بەرگی چوارەم
شوێنی دەستکرد (گوند و شار)
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
تیشک خستنە سەر پێکهاتەی شار و گوندەکانی هەڵەبجە، تەلارسازی، و شوێنە دەستکردەکان کە دەستی مرۆڤ نەخشی کردوون.
بەرگی چوارەم
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
تیشک خستنە سەر پێکهاتەی شار و گوندەکانی هەڵەبجە، تەلارسازی، و شوێنە دەستکردەکان کە دەستی مرۆڤ نەخشی کردوون.
کەوتووەتە سەنتەری شاری (هەڵەبجە). ساڵی ٢٠١٣ لە لایەن سەرۆکایەتیی شارەوانیی هەڵەبجەوە لەسەر ڕووبەی (٥,٢٥٠م٢) دروستکراوە. ناونانی بە (کوبرای حەمید پوور)، دەگەڕێتەوە بۆ ناوی ئەو ئافرەتەی منداڵێکی ونبووی هەڵەبجە (زمناکۆ عەلی)ی لە ئەستۆگرتبوو، کەوتووەتە گەڕەکی شارەوانی و بەرانبەری بەڕێوەبەرایەتیی گشتیی ڕۆشنبیری و هونەری هەڵەبجەیە، بۆ ئاودان و سەوزکردنی باخچەکە سود لە بیرێک وەردەگیرێت، کە لەناو باخچەکەدا لێدراوە.
کەوتووەتە گەڕەکی ڕاپەڕین لە بەردەم قوتابخانەی سیروانی بنەڕەتیی لەسەر ڕێگای سەرەکیی سیروان - هەڵەبجە. ڕووبەرەکەی(٦٥٠م٢)یە. دوو دەروازەی هەیە. چیمەن، درەختی سەباحبەح، گوڵەقاوە، مۆرد، درەختی واشنتۆنیا، درەختی ئەربیزیا، سنەوبەری ستوونی و سنەوبەری کارزیمای تێدا ڕوێنراوە. سەرچاوەی سەرەکی ئاودانی لە بیری ژمارە (٢)ی بەشی باخچەکانە.
کەوتووەتە سەنتەری شاری (هەڵەبجە). ساڵی ٢٠١٤ لەلایەن سەرۆکایەتیی شارەوانیی هەڵەبجەوە لەسەر ڕووبەی (١,٨٧٣م٢) دروستکراوە، ناوی گەڕەکەکە، بووە بە ناوی باخچەکەیش. زۆرینەى دانیشتووانی ئەو گەڕەکە، ئەو ماڵانەن، کە لە ئاوارەیی لە وڵاتی ئێران گەڕاونەتەوە و دواتر لەو گەڕەکە نیشتەجێکراون. کەوتووەتە دەروازەى شار و لە ناو ماڵە ئێرانییەکاندا دروستکراوە، بۆ ئاودان و سەوزکردنی سود لە تۆڕی ئاوی ماڵان و ئاوی تەنکەر وەردەگیرێت.
کەوتووەتە سەنتەری شاری (هەڵەبجە). ساڵی ٢٠١٣ لەلایەن سەرۆکایەتیی شارەوانیی هەڵەبجەوە لەسەر ڕووبەی (٢,٥٦١م٢) دروستکراوە. هەمان ناوی گەڕەکەکەی لێنراوە. بۆ ئاودان و سەوزکردنی، سود لە تۆڕی ئاوی ماڵان و ئاوی تەنکەر وەردەگیرێت، نزیک قوتابخانەی شەهید ئازاد هەورامییە.
کەوتووەتە سەنتەری شاری (هەڵەبجە). ساڵی ٢٠١٤ لەلایەن سەرۆکایەتیی شارەوانیی هەڵەبجەوە لە سەر ڕووبەری (٢٣١٧م٢) لە گەڕەکی شەهیدان دروستکراوە. یەک دەروازەی هەیە. یاریگایەکی منداڵانی بە کەرەستەی پێویست تێدا دروستکراوە. چیمەنی تێدا نەڕوێنراوە، بەڵام درەختی سەباحبەح، ناروەن و مۆردی تێدا چێنراوە. بیرێکی تایبەتی هەیە بۆئاودان، کە (١٢٠م) قوڵە.
کەوتووەتە سەنتەری شاری (هەڵەبجە). ساڵی ٢٠١٤ لەلایەن سەرۆکایەتیی شارەوانیی هەڵەبجەوە لەسەر ڕووبەی (٣,٧٠٨م٢) دروستکراوە. وەک وەفایەک بۆ ئەو منداڵانەی لە کیمیابارانی هەڵەبجەدا ونبوون، ناونراوە. بۆ سەوزکردنی سود لە تۆڕی ئاوی ماڵان و ئاوی تەنکەر وەردەگیرێت، کەوتووەتە گەڕەکی سەروەرانی یەک و نزیک قوتابخانەی مەشخەڵانی بنەڕەتییە.
کەوتووەتە سەنتەری شاری (هەڵەبجە) لە ناوبازاڕ. ساڵی ١٩٩٤ دروستکراوە. ڕووبەرەکەی نزیکەی (٨٨٠م) چوارگۆشەيە. بە ناوی (خولەکاراتی)شەوە ناو دەبرا، کە پیاوێکی سەربازی بوو و خزمەتی بە بازاڕی هەڵەبجە کردبوو، وەک: بۆیاخکردنی هەموو دوکانەکانی ئەو شوێنە. لەو شوێنەدا لافیتەی ئەو کەسانە هەڵدەواسرێت، کە کۆچیدواییانکردووە و ژمارەیەک لە پیاوانی بەتەمەن لێی دادەنیشن.
کەوتووەتە سەنتەری شاری (هەڵەبجە) لە گەڕەکی ئەندازیاران و لە تەنیشت بینای پارێزگای هەڵەبجە. ساڵی ٢٠٢١ لەلایەن هەردوو ڕێکخراوی نوێ و پایتەختی ئاشتی بە هاوکاری و پاڵپشتی ڕێکخراوی داری ئیتاڵی و لە ژێر چاودێریی سەرۆکایەتیی شارەوانیی هەڵەبجەدا دروستکراوە، ڕووبەرەکەی (١,٢٠٠م٢)یە. بۆ ئاودان و سەوزکردنی، سود لە ئاوی تەنکەر و تۆڕی ئاوی ماڵان وەردەگێرێت، پاش دروستکردن و خستنەسەرپێی باخچەی ناوداران لەلایەن ڕێکخراوی نوێ و پایتەختی ئاشتی، لە ئێستادا کۆمپانیاکانی پەیوەندیکردن (ئاسیاسێڵ، کۆڕەک تیلیکۆم) سەوزکردن و خزمەتکردنی باخچەکە یان لە ئەستۆگرتووە و لە ژێر چاودێریی فەرمانگەی ژینگەی هەڵەبجەدا بڕیارە قۆناغە تەواو نەکراوەکانی باخچەکە تەواوبکەن.
کەوتووەتە سەر ڕێگەی سەرەکیی (سیروان - هەڵەبجە) لەسەر سوچی گۆڕەپانی ترافیک لایتی ناوبازاڕی سیروان. ڕووبەری باخچەکە (١٨٠م٢)یە. باخچەی (پیران)یشی پێدەوترێت، چونکە پیاوە بەتەمەنەکان کاتەکانی خۆیان لەوێدا بەسەردەبەن. دوو دەروازەی هەیە. بە چیمەن، مۆرد، درەختی سەباحبەح و دار توو ڕووپۆش کراوە. سەرچاوەی ئاودانی، بیری باخچەکانی نزیک بە هۆڵی شەهید حاجی عەلییە.