بەرگی حەوتەم
کەسەکان بەپێی پیشە
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
ئاوڕدانەوە لە ژیان و بەرهەمی پیشەوەران، هونەرمەندان، نووسەران و کەسانی دیکە کە خزمەتیان بە کۆمەڵگا کردووە.
بەرگی حەوتەم
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
ئاوڕدانەوە لە ژیان و بەرهەمی پیشەوەران، هونەرمەندان، نووسەران و کەسانی دیکە کە خزمەتیان بە کۆمەڵگا کردووە.
شانۆکارە. ساڵی ١٩٧٩ لە شاری هەڵەبجە لەدایکبووە. دەرچووی قۆناغی خوێندنی ناوەندییە. لە شانۆکارە کاراکانی دوای ڕاپەڕینە. لە چەندین کاری شانۆیدا وەک ئەکتەر و ڕاییکردنی کارەشانۆییەکان بەشداربووە. لەوانە: زەماوەندی مەرگ، دەردەکانی دەروون، میهرەجانی کەلاوەکان، مەرگی ئەفسوناوی، مینکۆ، نیشتمانێک لە تەنیایی، ماڵێک لە خەرابات، پەشمانیەکانی حەوا، ئەنجومەنی ئاوایی، قەوانە شکاوەکان، مەملەکەتی ئاشوب، ماڵئاوا ئەی شاعیران... لە درامای مەمی ئالان و فلیمی نانفرۆشدا بەشداربووە. بەشداری چەندین فیستیڤاڵی شانۆیی کردووە. خەڵاتی زێڕینی یەکەمی ئەکتەری لە شانۆییی نیشتمانێک لە تەنیایی و یەکەمی جلوبەرگی ماڵێک لە خەرابات و چەندین خەڵاتی تری وەرگرتووە. ئەندامی کارای سەندیکای هونەرمەندانی کوردستانە. ژیانی هاوسەریی پێکهێناوە و خاوەنی دوومنداڵە.
ساڵی ١٩٧٣ لە هەڵەبجە لە دایکبووە، دەرچووی ئامادەیی پیشەسازییە. لە تیپی شانۆی ئەزمڕی سلێمانی دەستی بەکاری هونەری کردووە. دوای ڕاپەڕین گەراوەتەوە هەڵەبجەو لە دامەزرێنەرانی تیپی شانۆی زریان و سەرۆکی تیپەکە بووە. وەک ئامادەکار و دەرهێنەر و ئەکتەر تا ساڵی ٢٠٠٠بەشداری زیادە لە ٢٥ بەرهەمی شانۆیی کردووە، لەوانە خەونە قەترانییەکان، بۆیاخ، قەل و ڕووتە، من مرۆڤم، ئەحەشێت، شەقاوە، لە قوتابخانەدا، عەول فیرارە..هتد. ئەندامی سەندیکای هونەرمەندانەو خێزاندارەو خاوەنی یەک منداڵەو خانەنشینە.
شانۆکار و وەرزشەوانە. ساڵی ١٩٧١ لە شارەدێی (تەوێڵە) لەدایکبووە. دەرچووی ئامادەیی پیشەسازیی هەڵەبجەیە. لە ناوەڕاستی هەشتاکانەوە وەک وەرزشکار دەرکەوتووە و لە یاریزانی تیپی وەرزشی ئاوێسەر لە هەڵەبجە و غەمبار لە ئۆردوگای هەزارخانی لە وڵاتی ئێران یاریکردووە. دوای ڕاپەڕین لە چالاکییە شانۆییەکانی هەورامان و شارەزوور و هەڵەبجەدا لەگەڵ تیپی شەهید نیازی و لیژنەی هەورامان و تیپی هونەری تەوێڵەدا دەرکەوتووە. لە چەندین شانۆدا بەشداربووە، لەوانە: (من مرۆڤم، خۆرهەڵاتن، مەملەکەتی سەرەتان، لەم دەڤەرە چ باسە، پانۆرامای دێری عاشقان، چاخانەکەی خاڵە کەریم، قەل و ڕووتە، مردنی لاوێک، ئەحەشێت، سۆز و پەشیمانی). ماوەیەک سەرۆکی تیپی هونەری تەوێڵە بووە. ژیانی هاوسەریی پێکهێناوە و خاوەنی سێ منداڵە.
شانۆکارە. ناوی (مەحموود عەلی قادر)ە و بە (مەحموودی مەلا عەلی کۆکۆیی) ناسراوە. ساڵی ١٩٦٣ لەدایکبووه. ژیانی هاوسەریی پێکهێناوە و خاوەنی سێ منداڵە. سەرەتای ژیانی ھونەریی بۆ ساڵی ١٩٧٧ و ئەوکاتانە دەگەڕێتەوە، کە لەگەڵ چەند هاوڕێیەکی لە گەڕەکی کانیعاشقان لە ھەڵەبجە لەناو خۆیاندا کاری نواندنیان کردووە. پاش ئەوەی ساڵی ١٩٧٩ -١٩٨٠ لە پەیمانگای ھونەرەجوانەکانی سلێمانی وەرگیراوە برەوی بە تواناکەی داوە. وەک ئەکتەر و هونەرمەند بەشداری لەچەند کارێکی هونەریدا کردووە، وەک: شانۆگەری (کێشە، کۆچی ھەتاھەتایی، پێنوس و تاوان) و ئۆپەرێتی (ڕێویە و لە پێستی شێردایە، سەوزە، شوان و بەرغەل). لەئێستادا دەستی لە کاری هونەری هەڵگرتووە و دوکانی پەراوگەی هەیە لە هەڵەبجە.
شانۆکارە. بە (ئاشتی) ناسراوە. ساڵی ١٩٧١ لە بەڵخەی هەورامان لەدایکبووە. قۆناغی سەرەتایی و تا یازدەی زانستی لە هەڵەبجە خوێندووە. پاش ڕاپەڕین درێژەی بە خوێندن داوە و دبلۆمی لە کارگێڕی و کاردا بەدەستهێناوە. کاری دەرهێنانی بۆ ١١ شانۆیی لەوانە(گۆمی مەنگ، هتا کەی، شایەتە بێ ئاگاکە، من مرۆڤم) و کورتە فلیمێک کردووە و لە ١٩ شانۆییشدا وەک ئەکتەر و لایەنەکانی تری شانۆیی بەشداریکردووە. لەوانە: (قەل و ڕووتە، حزبی کەرامەت و سەلامەت، ئەحە شێت). ئەندامی تیپی شانۆی زریان و سەرۆکی لقی هەڵەبجەی سەندیکای هونەرمەندانی کوردسانە. خێزاندارە و لە ئێستادا فەرمانبەرە لە فەرمانگەی کارتی نیشتمانیی هەڵەبجە.
ناوی (موحسن مەحموود عەلی)یە. ساڵی ١٩٧٠ لە زەمەقیی خواروو لەدایکبووە. لە ساڵی ١٩٩٦وە بەشداری دراما و تەنز و کورتە نواندنەکانی لە تەلەفزیۆندا کردووه. لە شانۆکانی: فاڵچی، نامەکان، تابلۆی هەستانەوە، عەرشی سکاڵا، فلیمەکانی ئیمان، تەڵەکەباز، ١٣ی ٥دا، بەشداریکردووە. لە فلیمی سینەمایی ١٩٨٧دا بەشداربووە. نزیکەی ١٠ گۆرانیی تەنز و مەنەلۆگی ئامادە و پێشکەشکردووە. ژیانی هاوسەریی پێکهێناوە و خاوەنی یەک منداڵە.
هونەرمەندی شانۆکار و پەروەردەکارە. ناوی (مۆفەق عارف حەمەڕەشید)ە. ساڵی ١٩٦٦ لە شاری هەولێر و لە بنەماڵەیەکی هەورامی لەدایکبووە. نازناوی (مۆفەق لهۆنی)یە. ساڵی ١٩٧٠ بە خێزانەوە هاتووەنەتەوە بۆ هەورامان و لە شارەدێی (تەوێڵە) ژیاون. قۆناغی سەرەتایی و ناوەندی لە هەورامان و بەشی شانۆی لە پەیمانگای هونەرەجوانەکان لە سلێمانی خوێندووە. ساڵی ١٩٩٢ بەشی دەرهێنانی شانۆی لە کۆلێژی هونەرەجوانەکان لە بەغداد تەواوکردووە. لە پەیمانگەی هونەرەجوانەکان لە سلێمانی وەک مامۆستا دامەزراوە و چەند ساڵێکیش لەو پەیمانگەیە سەرۆکی بەشی شانۆ بووە. خاوەنی زیاتر لە پەنجا بەرهەمی هونەریی (شانۆ، دراما، دەرهێنان و نواندن)ـە و نزیکی بیست ئۆپەرێت و شانۆیی بۆ منداڵانی دەرهێناوه. ساڵی ١٩٨٥ تیپی شانۆی مەشخەڵ و ساڵی ١٩٩٠ تیپی هونەری منداڵانی دامەزراندووە و دەیان بەرهەمیان پێشکەشکردووە. زیاتر لە دووسەد کلیپ و گۆرانی بۆ منداڵان دەرهێناوە. ساڵی ٢٠٠١ تا ئێستا وەک دەرهێنەر و سەرپەرشتی گروپی نواندنی ڕادوێیی کاردەکات. کتێبەکانی (تیتلەوبیبلە، پشیلەسوورە)ی بۆ منداڵان بەچاپ گەیاندووه و چەند بەرنامەیەکی منداڵانی بۆ تەلەفزیۆنەکان ئامادەکردووە. لە ئێستادا سەرپەرشتیاری پسپۆڕیی هونەرە لە یەکەی سەرپەرشتیاریی ئامادەیی و پیشەیی لە سلێمانی.
شانۆکارە، بە ناسحی حاجی فایەقی دێوانە ناسراوە. ساڵی ١٩٧١ لە هەڵەبجە لەدایکبووە. دەرچووی ئامادەییە. وەک ئەکتەر و سەرپەرشتیار و بەڕێوەبەری هونەریی لە چەندین شانۆدا بەشداربووە. لەوانە حزبی کەرامەت و سەلامەت، زەماوەندی مەرگ، هەڵەبجە، خوێن، چاو، سەمای ڕۆح، بازنەکانی مەرگ، هەتا کەی، من مرۆڤم، قەل و ڕووتە، شەقاوە، لە ڕێکخەران و ئامادەکارانی چەندین فیستیڤاڵی هونەری بووە، لەوانە باخی میر، شانۆی گۆران..هتد. ئەندامی تیپی شانۆی شەهیدان، زریان، بووە. لەگەڵ پێکهێنانی لقی هەڵەبجەی کۆمەڵی هونەر و وێژەی کوردی بووەتە سکرتێری و ئێستاش ئەندامی لقی هەڵەبجەی سەندیکای هونەرمەندانە و لێپرسراوی بەشی میوزیکە. خێزاندارە و خاوەنی سێ منداڵە، لە هەڵەبجە نیشتەجێیە.
شانۆکار و دیزاینەرە،. ساڵی ١٩٦٢ لە هەڵەبجە لەدایکبووە. دەرچوی پەیمانگای مامۆستایانی هەولێرە. ئەندامی یەکێتی هونەرمەندانی سلێمانییە. وەک: ئەکتەر و سیناریست و وەرگێڕ، کاروباری هونەری لە چەندین شانۆ و ئۆپەرێتدا بەشداربووە، لەوانە: سەوزە، مانگرتن، ولیەم تیل، کلیل، خەزانی مەرگ، باهۆزی مەرگ، کراسی پیاوێکی بەختەوەر، میوە خۆشەکە. دیزاینی ١٥٠ کتێب و گۆڤاری کردووە، کە زۆربەیان کاری نوسەرانی هەڵەبجەن. خێزاندارە و خاوەنی سێ منداڵە. لە سلێمانی دەژی.
بە (نەژادی شێخ کامیل) ناسراوە. ساڵی ١٩٧٢ لە گوندی (خەرپانی) لەدایکبووە. قۆناغی سەرەتایی لە خەرپانی و ناوەندی لە هەڵەبجە خوێندووە. لە بواری شانۆ و سینەما و زنجیرەی تەلەفزیۆنی وەک ئەکتەر و دەرهێنەر، چەندین کاری کاریکردووە، لەوانە: مرۆڤ لە ژێر پێی مرۆڤدا، هەڵەبجەی خوێن، میهرەجانی مرۆڤایەتی، ڕۆژانی ڕاپەڕین، زەماوەندی مەرگ، حزبی کەرامەت و سەلامەت. فلیمەکانی: چیای ڕەش، بۆنی سێو. لە دەستەی دامەزرێنەرانی (تیپی شانۆی شەهیدان)ـە. ساڵی ١٩٩٥-١٩٩٦ ئامادەکار و دەرهێنەری بەرنامەی تەلەفزیۆنی باخچەی پەپوولەکان بووە. ساڵی ٢٠٠٦ بڕوانامەی سیناریۆ و دەرهێنانی لە قاهیرە پێبەخشراوە. وەک ئەکتەر و دەرهێنەر خەڵاتی کۆمەڵی هونەر و وێژەی وەرگرتووە. سکرتێری لقی هەڵەبجەی سەندیکای هونەرمەندانی کوردستان و سەرۆکی لقی کۆمەڵی هونەر و وێژەی کوردییە. ژیانی هاوسەریی پێکهێناوە و خاوەنی سێ منداڵە. لە شاری هەڵەبجە دەژی.
ساڵی ١٩٨٧ لە شاری هەڵەبجە لەدایکبووە. بەشی شانۆی لە پەیمانگای هونەرەجوانەکانی سلێمانی و بەکالۆریۆسی پەروەردەی هونەری لە پەیمانگای ڕاهێنان و گەشەپیدانی سلێمانی وەرگرتووە. لە بواری شانۆ و ڕاگەیاندن و ڕێکخراوەییدا کاریکردووە. وەک ئامادەکار، دەرهێنەر و ئەکتەر لەدەیان شانۆدا بەشداربووە، لەوانە (کچانی میراباڵ، ماڵێک لە خەرابات، مەرگ لە سامۆس، گۆمی مەنگ، شەوشاد تاریکی). لە فلیمەکانی عەشقێک لە خانەقا، ژن، ڕۆڵیبینیوە. بەشداری زۆرێک لە فیستیڤاڵە شانۆییەکانی شەقامی لە خۆرهەڵات و شارەکانی کوردستان کردووە و خەڵاتی بەدەستهێناوە. وەک هونەرمەندێکی خۆبەخش لە قاوشی کۆرۆنا، خزمەتی بە نەخۆشەکان کردووە. ژیانی هاوسەریی پێکهێناوە و لە ئێستادا لە شاری هەڵەبجە دەژی.
شانۆکار و فلیمسازە. ناوی (هیدایەت عوسمان ئەحمەد عەلی)یە. ساڵی ١٩٧٣ لە شاری هەڵەبجە لەدایکبووە. دەرچووی بەشی شانۆیە لە پەیمانگای هونەرەجوانەکانی سلێمانی. جگە لە بواری شانۆ و سینەما، لە مافەکانی منداڵان و ڕێکخراوی منداڵدۆستانی کوردستان کاریکردووە. وەک دەرهێنەر و ئەکتەر و ئامادەکار لە ٣٥ شانۆدا کاریکردووە، کە هەشتیان دەرهێنان بووە، لەوانە: مینکۆ، ئەی زنجیە سپی پێستەکان، هەڵەبجە، خوین، جەنگەڵستان، ئافاتی عیشق، ئاهەنگی دارتان، ئاوێنە حەرامەکان..هتد. فلیمی (نوقڵەکانی شنە)ی دەرهێناوە. دەقی شانۆ و سیناریۆی کورتەفلیمی نوسیوە و لە گۆڤارەکانی شانۆ و شاکاردا بڵاوبوونەتەوە. ژیانی هاسەریی پێکهێناوە و خاوەنی منداڵێکە. خەڵاتی فیستیڤاڵی چڵەنێرگزی ٢٠٠١ بۆ کورتەفلیمی نوقڵەکانی شنە وەرگرتووە. لە ئێستادا مامۆستای هونەرە و لە شاری سلێمانی دەژی.
ساڵی ١٩٩٧ لە شاری هەڵەبجە لەدایکبووە. دەرچووی کۆلێژی هونەرە لە زانکۆی سەڵاحەدین. وەک ئەکتەر و دەرهێنەر و لایەنی هونەری لە چەندین شانۆدا بەشداریکردووە، لەوانە: ئەمادۆ، کراسی پیاوێکی بەختیار، خۆشەویستی لە دابق، پرتەقاڵی خوێن، لە دایکبوونی زیندان، شینە لە شیندام، سرودێک بۆ ئیکارۆس، کچە فلیم گێڕەوەکە، دایکە ئازاکە، چیرۆکی بابل لەوێ. بەشداری فیستیڤاڵی شەقامی بۆ شانۆ لە شارەکانی کوردستان کردووە. خاوەنی خەڵاتی باشترین دەرهێنانە بۆ شانۆیی (سرودێک بۆ ئیکارۆس) لەخولی حەوتەمی فیستیڤاڵی نێودەوڵەتی لە هەولێر.
ناوی (وەرزێر مەنسوور محەممەد ئەمین)ـە. ساڵی ١٩٩٢ لە شاری هەڵەبجە لەدایکبووە. بەکالۆریۆسی لە کۆلێژی هونەری بەشی شانۆ، لە زانکۆی سەڵاحەدین ٢٠١٨ بۆ ٢٠١٩ بەدەستهێناوە. ژیانی هاوسەریی پێکهێناوە و وەک ئەکتەر و دەرهێنەر لە چەندین شانۆدا بەشداریکردووە. لەوانە، دوای بیست ساڵ، چیرۆکەکانی بازنەی تەباشیر، ديوار، خەونەکانمان..هتد. ساڵی ٢٠١٧ بۆ ماوەی مانگێک سەرپەرشتیاری پڕۆژەی (نۆرینگەی شانۆیی)بووە لە هەڵەبجە، کە چارەسەری نەخۆشییەکانی شێرپەنجە و مادەی هۆشبەر و بەرکەوتووانی کیمیایی کردووە. لە ئێستادا مامۆستایە لە هەڵەبجە.
شانۆکارە، بە مەلایاسین ناسراوە، ساڵی ١٩٥٧ لە هەڵەبجە لەدایکبووە. دەرچووی ناوەندییە، لە شانۆکارە دێرینەکانە و بەشداری چەندین بەرهەمی کردووە، لەوانە مەلای مەشهورە، دکتۆر و شێت، ئۆپەرێتی سەوزە، ڕێویە و لە پێستی شێردایە، بانەگەوازی ئازارەکان، مانگرتن، خەزانی مەرگ، گیانی یانۆرا، باهۆزی مەرگ، عەبەبرغو، کۆچی هەتاهەتایی، ولیەم تیل..هتد. دوای کیمیابارانی هەڵەبجە سیر و سێوی نەخواردوە، یەکەم کەس بووە بە پێ لە سلێمانییەوە بە کۆڵێک نێرگزەوە بۆ یادی هەڵەبجە هاتووەتەوە، لەبەرئەوە بە پیاوی نێرگزەکەش ناسراوە. خانەنشینی سەربازییە، خێزانی پێکنەهێناوە و لە سلێمانی نیشتەجێیە.
ناوی (ئازاد کوڕی ساڵح کوڕی مەلا سابیر)ە. ساڵی ١٩٥٥ لە شاری هەڵەبجە لەدایکبووە. باپیرانی لە خۆرهەڵاتی کوردستانەوە هاتوونەتە هەڵەبجە. خوێندنی سەرەتایی و ئامادەیی لە هەڵەبجە خوێندوە و لە بەشی وێژەیی پلەی یەکەمی لەسەر ئاستی سلێمانی بەدەستهێناوە. ساڵی ١٩٧٨ کۆلێژی کارگێڕی و ئابوری لە زانکۆی بەغداد تەواوکردووە و وەک ژمێریار لە (فەرمانگەی کارەبای هەڵەبجە) دامەزراوه و دواتر ڕاژەکەی گواستووەتەوە بۆ (فەرمانگەی ڕۆشنبیری لە هەڵەبجە). ماوەیەک (بەڕێوەبەری ڕۆشنبیریی هەڵەبجە) بووه. ساڵی ٢٠١٨ خانەنشین بووه. چەند جارێک ژیانی هاوسەریی پێکهێناوە و خاوەنی سێ منداڵە. لە منداڵییەوە خولیای مۆسیقای هەبووە و لە قوتابخانە کاریگەریی مامۆستا (حەمەی دادە ڕەعنا) لەسەر بووه، کە ئامێری کەمانچەی ژەنیوە. خۆڕسکانە خۆی فێری مۆسیقا کردووە. لە ٢٦ی ٤ی ١٩٧٣ لەگەڵ چەند هاوڕێیەکیدا تیپی (مۆسیقای هەڵەبجە)یان دامەزراندوە، کە ساڵی ١٩٧٩ ناوەکەی بووە بە تیپی (مۆسیقای شنروێ) و لەو کاتەوە تا ئێستا سەرۆکی تیپەکەیە. کە خوێندکاری زانکۆ بووە، لە(مەڵبەندی ڕۆشنبیریی زانکۆ) فێری خوێندنەوەی نۆتەی مۆزیک بووە. یەکەمین ئاوازی لە ساڵی ١٩٧٤دا داناوە و تا ئێستا نزیکەی ١٥٠ ئاواز، یان ئامادەکردنی مۆزیکی بۆ گۆرانیبێژان داناوە و دەیان فێرخوازی فێری مۆسیقا کردووە. ماوەیەک وەک لێپرسراوی (خانەی مۆزیکی منداڵان) لە سلێمانی کاریکردووە. لەگەڵ (عادل حەسەن)ی هاوڕێیدا، فێرگەیەکی فێربوونی مۆزیک و گۆرانییان لە شاری هەڵەبجە کردووەتەوه و بەردەوامە لە کاری هونەری. دوو کتێبی (هەڵەبجە و سەمای نۆتەکان، هەڵەبجە و مۆزیک، بیرەوەری و یاد) بە چاپ گەیاندووه.
گۆرانیبێژ و ئەکادیمیی بواری مۆسیقایە. ناوی (ئەسعەد شێخ عومەر شێخ محەممەد شێخ عەبدول لەتیف)ـە. ساڵی ١٩٥١ لە شاری ھەڵەبجە لەدایکبووە. لە زانکۆی سلێمانی کۆلێژی زانست بەشی کیمیای خوێندووە. لە منداڵییەوە خولیای گۆرانی و مۆسیقا بووە. چەندین بەرھەمی بۆ تەلەفزیۆن تۆمارکردووە. یەکێکە لە دامەزرێنەرانی (تیپی مۆسیقای سلێمانی)، (تیپی مۆسیقای زانکۆی سلێمانی) و (کۆمەڵەی هونەرمەندانی کوردستان)ـە. لە ساڵی ١٩٩٤ەوە لە وڵاتی سوید نیشتەجێیە. ساڵی ٢٠٠٠ بەشی پەروەردەی لە زانکۆی (سۆدرتۆن) تەواوکردووە. جگە لە زمانی کوردی، عەرەبی، ئینگلیزی و سویدی دەزانێت. چەندین کتێب و نامیلکەیەکی چاپکراوی هەیە، لەوانە (فەرهەنگی مۆزیک)، (ئەی ڕەقیب له تای تەرازوودا) و (فەلسەفەی مۆزیک/ بە دوو بەرگ)، هەروەها چەندین وتاری زانستی و ھونەری و پەروەردەیشی بڵاوکردووەتەوە.
بە هەورامان خارگێڵانەیی ناسراوە، ساڵی ١٩٧٨ لەدایکبووە. ئەندامی کارای لقی هەڵەبجەی سەندیکای هونەرمەندانی کوردستانە. خاوەنی ٣٠ بەرهەمی گۆرانییە بە کرمانجی ناوەڕاست و هەورامی، خێزاندارە، خاوەنی ٤ منداڵە و فەرمانبەرە.
ساڵی ١٩٨٧ لە هەڵەبجە لەدایکبووە. بڕوانامەی دبلۆمی لە بەشی موزیک وەرگرتووە. لە ساڵی ٢٠٠٠ـەوە دەستی بەکاری مۆسیقی کردووە. لە کازیوەی منداڵان، سەنتەری پاراستنی منداڵان، گەنجانی هەڵەبجە وانەی وتووەتەوە. بەشداری زیاتر لە ٥٠ فیستیڤاڵ و کۆنسێرتی کردووە. حەوت ساڵ ئەندامی کارای گروپی موزیکی هەڵەبجە بووە. ساڵێک بەڕێوەبەری گروپی موزیکی بەرنامەی ئێوارانیNRT٢ بووە. ئەندامی کارای گروپی ژێداری ڤینۆ پڕۆدەکشن و گروپی میوزیکی شنروێ بووە. دامەزرێنەری ئەکادیمیای میوزیکی هەڵەبجە بووە. لەئێستادا لە شاری هەڵەبجەی شەهید نیشتەجێیە و خاوەنی ستۆدیۆ ژێدارە. ژیانی هاوسەریی پێکهێناوە و خاوەنی دوو منداڵە.
ئاوازدانەر، دەنگخۆش، ژەنیار و نوسەرە. ناوی (ئەنوەر شێخ عومەر شێخ محەممەد شێخ عەبدوللەتیف)ـە. ساڵی ١٩٤٦ لە شاری ھەڵەبجە لەدایکبووە. دامەزرێنەری چەندین گروپ و تیپی مۆسیقایە، لەوانه (خۆشی و بەختیاری)، (ھیوا)، (سلێمانی)، (زانکۆی سلێمانی)، (کیژان) و (ئۆرکێسترای سلێمانی). ھەروەھا لە دامەزراندنی پەیمانگای (ھونەرە جوانەکانی سلێمانی)دا ڕۆڵی هەبووە. مامۆستا و ڕابەری موزیکی چەند نەوەیەک بووە و لە دەیان کۆڕ و سیمینار و کۆبوونەوەی ھونەری لە دەرەوە و ناوەوەی وڵات و لە زۆر فیستیڤاڵ و بۆنەی تایبەت بە ھەڵەبجە بەشدارییکردووە. لەگەڵ هونەرمەنداندا بەرهەمی تایبەتی بە هەڵەبجە پێشکەشکردووە. لەوانە کۆراڵی هەستانەوەی هەڵەبجە. ساڵی ١٩٧١یش ئاهەنگی تیپی مۆسیقای سلێمانیان هێناوەتە هۆڵی ئامادەیی هەڵەبجە. گەلێک ئاوازی ڕەسەنی زیندوکردونەتەوە و دابەشی نوێی بۆ کردوون، بایەخی بە بۆنەی یشتمانی و نەتەوەیی و ئایینی داوە و لەگەڵ زۆرێک لە هونەرمەند و گۆرانیبێژە ناودارەکان کاریکردووە و ستۆدیۆی تایبەتی بە تۆمارکردن هەبووە. دەزگاکانی ڕاگەیاندن بایەخیان بە توانا و کارەکانی داوە و چەندین پڕۆگرامی سەرکەوتووی پێشکەشکردووە. هەندێک لەکارەنەمرەکانی: لە درزی پەچەوە، یاران وەسیەتم، شەو، ..هتد. لە ژیاندایە و لە سلێمانی نیشتەجێیە.