ناوی (محەممەد کەریم ئەحمەد)ە. ساڵی ١٩٥٠ لەدایکبووە. قۆناغی سەرەتایی خوێندووە. ژیانی هاوسەریی پێکهێناوە‌ و خاوەنی چوار منداڵە. لە ساڵی ١٩٧٢ـەوە دەستی گۆرانیوتن کردووە. لە ساڵانی حەفتا و هەشتاکانی سەدەی ڕابردوو لەگەڵ زۆرێک لە گۆرانیبێژانی ناوچەکە گۆرانی وتووە لەوانە (عوسمان هەورامی، سەباح هەورامی، نەوزاد هانەدنی، جیهانبەخش، مەحموود شێرانی، ئەحمەد شەریف). دەیان کاسێتی تۆمارکردووه، بەڵام لە کاتی کیمیابارانی هەڵەبجە فەوتاون. لە ئاهەنگ و بۆنەکانی سنوری هەورامان و هەڵەبجهدا گۆرانی وتووە. زیاتر لە ١٥ ساڵە وازی لە گۆرانیوتن هێناوە و لە ئێستادا لە قەزای سەیدسادق نیشتەجێیە.

زیاتر بزانە

گۆرانیبێژی میللی

عەبە گوڵپى

ناوى (عەبدوڵا فەتاح محەممەد)ە. ساڵی ١٩٤٠ لە گوندى (گوڵپ) لەدایکبووە. قۆناغى سەرەتایى خوێندووە. ژیانی هاوسەرى پێکهێناوە و خاوەنى نۆ منداڵە. لە سەرەتای گەنجییەوە گۆرانی وتووە. زۆرتر لەگەڵ هونەرمەند (عوسمان کێمنەی)دا گۆرانی وتووە. لە دانیشتن و بۆنەی ئاینى و کۆمەڵاتیدا بەشداربووە. زیاتر گۆرانیی شێخانە و سیاچەمانەی وتووە و لەگەڵ هونەرمەندان (سەباح هەورامى و عەلى گوڵپى و حەمەحسین کیمنەیى) گۆرانى وتووە. چەند کاسێتێکی تۆمارکراوی هەیە. لەدوای دەستگیرکردن و شەهیدکردنی دوو کوڕی، وازی لە گۆرانی_وتن هێناوە. ساڵی ٢٠٢٢ لە شاری سلێمانی کۆچیدواییکردووە لە گۆڕستانی گوڵپ بەخاکسپێراوە.

زیاتر بزانە

گۆرانیبێژی میللی