بەرگی حەوتەم
کەسەکان بەپێی پیشە
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
ئاوڕدانەوە لە ژیان و بەرهەمی پیشەوەران، هونەرمەندان، نووسەران و کەسانی دیکە کە خزمەتیان بە کۆمەڵگا کردووە.
بەرگی حەوتەم
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
ئاوڕدانەوە لە ژیان و بەرهەمی پیشەوەران، هونەرمەندان، نووسەران و کەسانی دیکە کە خزمەتیان بە کۆمەڵگا کردووە.
ساڵی ١٩٧٤ لە گوندی (نەوێ)ی سەر بە شارۆچکەی (خورماڵ) لەدایکبووە. بەشی مێژووی لە کۆلێژی پەروەردەی زانستەمرۆڤایەتییەکان لە (سەیدسادق) تەواوکردووە. ژیانی هاوسەریی پێکهێناوە و خاوەنی دوو منداڵە. وەک (پێشکەشکار، پەیامنێر، مۆنتێر، کامێرامان) ماوەی ١٣ ساڵە لە بواری ڕاگەیاندندا کاردەکات. ماوەى حەوت ساڵە لە کەناڵی (سپێدە) کاردەکات و بەردەوامە.
خەڵکی گوندی (هانەیدن)ی ناوچەی هەورامانە. ساڵی ١٩٩٢ لەدایکبووە. قۆناغی سەرەتایی و ئامادەیی لە خورماڵ تەواوکردووە. بڕوانامەی بەکالۆریۆسی لە ڕاگەیاندن لە زانکۆی سلێمانی بەدەستهێناوە. لە ساڵی ٢٠١٢وە وەک پەیامنێر و ئامادەکاری کۆشەی چەتر لە ڕۆژنامەی (چەتر) دەستی بەکارکردن کردووە. وەک هەڵەچن لە ڕۆژنامەی (وەرچەرخان)، وەک پەیامنێر لە کەناڵی (پەیام) و ڕۆژنامەی (ئاوێنە) کاریکردووە و لە ئێستادا لەگەڵ کەناڵی نالیا NRT بەردەوامە.
ساڵی ١٩٦٩ لە شارەدێی (تەوێڵە) لەدایکبووە. قۆناغی سەرەتایی و ناوەندی لە تەوێڵە و هەڵەبجە و ئامادەیی لە سیروان خوێندووە. لەگەڵ دامەزراندنی ڕادوێی شارەزوور لە ساڵی ١٩٩٦دا وەک بێژەر و لێپرسراوی ماوەی هەورامی دەستبەکاربووە و پێنج ساڵ بەردەوامبووە. لە بۆنە نەتەوەیی و نیشتمانییەکاندا وەک بێژەر ئامادەبووە. بەرهەمەکانی لە ڕۆژنامەدا بڵاوکردووەتەوە. بۆ ماوەی شەش ساڵ بەڕێوەبەری ڕادوێی شارەزوور بووە. ئەندامی لیژنەی هونەری بووە بۆ کارە هونەرییەکان لە هەورامان. ژیانی هاوسەریی پێکهێناوە و خاوەنی سێ منداڵە. پیشەی فەرمانبەرە لە زانکۆی پۆلیتەکنیکی سلێمانی.
ساڵی ١٩٨٠ لە شاری هەڵەبجە لەدايکبووە. بە بەهجەت نساری ناسراوە. دەرچووی پەيمانگاى مەڵبەندى مامۆستايانە لە هەڵەبجە. لە ساڵی ٢٠٠٥ـەوە دەستی بەکاری ڕۆژنامەوانی کردووە. لە ڕادوێی دەنگی یەکگرتوو، تەلەفزیۆنی یەکگرتوو، کەناڵی ئاسمانیی سپێدە کاریکردووە. ساڵی ٢٠١٤ خەڵاتى باشترين وێنەگرتن و مۆنتاژی پێبەخشراوە، کە لە کورتە فلیمى (سێو)دا بەشداریکردووە. لە ئێستادا لە کەناڵی ئاسمانیی سپێدە بەردەوامە. ئەندامی لقی هەڵەبجەی سەندیکای ڕۆژنامەوانانی کوردستانە. ژیانی هاوسەریی پێکهێناوە و خاوەنی سێ منداڵە.
ڕۆژنامەوانی ئابورییە. ساڵی ١٩٩٢ لەدایکبووە. خەڵکی گوندی (گوڵپی) سەر شارۆچکەی (بیارە)ە. بڕوانامەی بەکالۆریۆسی لە زانستە سیاسییەکان لە زانکۆی گەشەپێدانی مرۆیی بەدەستهێناوە. لە بواری کاری ڕۆژنامەوانی و توێژینەوەدا ماوەی زیاتر لە ١٠ ساڵە کاردەکات. ژیانی هاوسەریی پێکهێناوە و خاوەنی منداڵێکه. سەرپەرشتیاری سەکۆی گەنجانی کوردستانە. لە دەزگاکانی (خەندان، ژیان، کەی ئێن ئێن و کوردستان٢٤)دا کاریکردووە و لە ئێستادا لە کەناڵی کوردستان٢٤ پرۆدیوسەری ئابورییە. ئەندامی بۆردی ئەکادیمیای سیاسەت بووە. لەگەڵ ڕێکخراوی (بی ئێف زیتی) ئەڵمانی و ئینتەرنیوزی ئەمەریکی کاریکردووە. ساڵی ٢٠١٩ ڕێکخراوی (بی ئێف زێتی) ئەڵمانی بەسەرپەرشتی ناوبراو توێژینەوەیەکی لەسەر دۆخی ئابوریی هەڵەبجە ئەنجامداوە.
ڕۆژنامەوان و کۆمێنتاری وەرزشییە. ناوی (بێستوون محەممەد ئەحمەد عەزیز)ە و بە (بێستوون تاوگۆزی) ناسراوە. ساڵی ١٩٨١ لە شاری هەڵەبجە لەدایکبووە. بڕوانامەی بەکالۆریۆسی بەدەستهێناوە. لە بواری ڕاگەیاندنی وەرزشیدا کاردەکات. دەیان پاڵەوانیەتی و کردووەتەوە و لە چەندین یاریی گرنگدا بێژەر و بەڕێوەبەر بووە. ١٢ ساڵ بەرنامەی گەنجینەی وەرزشی پێشکەشکردووە. خەڵاتی باشترینەکانی وەرزشی هەڵەبجەی وەرگرتووە و سێ جار لە ئاستی کوردستان لە باشترین کۆمێنتارەکان بووە. لە گواستنەوە و لێدوانی بە کوردی یارییە جیهانیەکاندا ڕۆڵی هەبووە. ژیانی هاوسەریی پێکهێناوە و خاوەنی چوار منداڵە. ئەندامی کارای سەندیکای ڕۆژنامەنووسانی کوردستانە و لە ئێستادا بەڕێوەبەری کەناڵی NRT Sportـە.
ڕاگەیاندکار و شانۆکارە. ناوی (پشتیوان فەتاح قادر)ە. ساڵی ١٩٧٤ لە گوندی (گوڵپ)ی سەر بە شارۆچکەی (بیارە) لەدایکبووە. ژیانی هاوسەریی پێکهێناوە و خاوەنی دوو منداڵە. بە کاری نواندن لە شانۆدا دەستیپێکردووە و لە دەیان شانۆگەریدا وەکو ئەکتەر بەشداربووە. ساڵی ١٩٩٢ وەک پێشکەشکار دەرکەوتووە، دواتریش وەک کامێرامان، پەیامنێر کاریکردووە. ساڵى ١٩٩٩ تا ٢٠٠٠ بەڕێوەبەری ئیستگە و تەلەفزیۆنی زانکۆی سلێمانی بووە. ساڵی٢٠٠٠ و لە سەرەتای دامەزراندنی کەناڵی (کوردسات) کاریکردووە و شەش ساڵ وەک بێژەر، ئامادە و پێشکەشکاری بەرنامە، بەرپرسی بەشی پەیامنێران کاریکردووە. بەشداری چەندین خولی ڕۆژنامەوانی لە ناوەوە و دەرەوی وڵاتدا کردووە.
ڕۆژنامەوانێکی ئازادی نێودەوڵەتیی فۆتۆگرافەری ئوسترالییە. ناوی (پۆڵ ویلیەم مۆران Paul William Moran)ـه. ساڵی ١٩٦٣ لە شاری (ئەدلاید)ی ئوسترالیا لەدایکبووە. لە سأڵی ١٩٩٠ەوە ڕووی لە شاری لەندەن کردووە و لێرەوە شارەزایی لە خۆرهەڵاتی ناوەڕاستدا پەیداکردووە. ساڵی ٢٠٠٣ لە سنوری شارۆچکەی خورماڵ بەهۆی ئۆتۆمبێلێکی بۆمبڕێژکراوەوە گیانیلەدەستداوە و به یەکەم قوربانیی ڕۆژنامەوانیی نێودەوڵەتی دادەنرێت لە جەنگی عێراقدا. ژیانی هاوسەریی پێکهێناوە و خاوەنی یەک منداڵە. لە کەناڵی abc وەک کامێرامان کاریکردووە. بە مەبەستی کۆکردنەوەی زانیاریی تایبەت بە کەوتنەخوارەوەی موشەکێکی ئەمەریکی لەو شوێنە ڕوویکردبووە ناوچەکە.
ڕۆژنامەوان و شیکەرەوەی سیاسییە. ساڵی ١٩٨٨ لە خۆرهەڵاتی کوردستان لەدایکبووه. بڕوانامەی دبلۆمی لە پەیمانگای تەکنیکیی هەولێر بەشی کشتوکاڵ بەدەستهێناوە. لە ساڵی ٢٠٠٩وە لە ڕۆژنامەی وەرچەرخان دەستى بە کاری ڕۆژنامەوانی کردووە. ماوەی ١٣ ساڵ لە کەناڵی ئاسمانیی پەیام وەک پەیامنێر کاریکردووە و چەند بەرنامەیەکیشی هەبووە. ساڵی ٢٠٢٢ ئەندامی دامەزرێنەری دامەزراوەی میدیایی ڕوون بووه و ماوەی سێ ساڵ لە ڕوون میدیا شیکاری بۆ ڕووداوە سیاسی و گۆڕانکارییە ناوچەییەکان کردووە و بەرنامە و دیداری سیاسی پێشکەشکردووه. ژیانی هاوسەریی پێکهێناوە و خاوەنی دوو منداڵە.
ناوی (جەمال حەمەلاو مستەفا عەبدوڵا) و بە (جەمال سەرگەتی) ناسراوە. ساڵی ١٩٩٣ لە شاری هەڵەبجە لەدایکبووە. لە دەزگاکانی: کوردستانی نوێ، سایتی خەندان، ڕادوێی شارەزوور، سایتی pukmedia، کەناڵی گەلی کوردستان، ئاژانسی ئانادۆڵی تورکی کەناڵی trtkurdi کاریکردووە. لەئێستاشدا پەیامنێرە لە کەناڵی گەلی کوردستان.
ناوی (جیهاد ئەحمەد حەسەن)ـە و بە (جیهاد ئەحمەد جاف) ناسراوە. ساڵی ١٩٨٧ لە شاری هەڵەبجە لەدایکبووە. قۆناغی ئامادەیی لە هەڵەبجە تەواوکردووە. ماوەی ١٧ ساڵە لەکاری ڕاگەیاندا کاردەکات. لە تەلەفزیۆنی جەماوەر، ڕادوێی جەماوەر کاریکردووە. یەکێکە لە دامەزرێنەری سەندیکای ڕۆژنامەوانان/ لقی هەڵەبجە. چەندین کورتە فلیمی تۆمارکردووە، گرنگترینیان لەسەر تاوانی کیمیابارانی هەڵەبجەیه، کە لە پەیمانگای کۆمپیوتەری هەڵەبجە پێشکەشکراوە. ژیانی هاوسەریی پێکهێناوە و خاوەنی چوار منداڵە.
ساڵی ١٩٩٠ لە وڵاتی ئێران لەدایکبووە و قۆناغی سەرەتایی و دواناوەندی لەوێ خوێندووە. بڕوانامەی بەکالۆریۆسی لە زانستە کۆمەڵایەتییەکان لە زانکۆی هەڵەبجە بەدەستهێناوە. لە ساڵی ٢٠١٠ـەوە لە ماڵپەری بزاڤ پرێس وەک پەیامنێر دەستی بەکاری ڕۆژنامەوانی کردووە. لە بواری ڕۆژنامەوانیدا وەک: پەیامنێر، پێشکەشکار، فۆتۆگرافەر، هەوڵساز لە چەند دەزگایەکی ڕاگەیاندن کاریکردووە، لەوانە: ئاژانسی ڕۆژنیوز، کەناڵی نەورۆز، کەناڵی ستێرک، لە کەناڵی ئاریەن تی ڤی. لە ئێستادا لە کەناڵی ئاسمانیی پەیام، ڕادوێی دەنگی ئیسلام و ڕادوێی هەمووان، بەردەوامە لە کاری ڕاگەیاندن. چەندین خەڵاتی پێبەخشراوە. لە وڵاتی بەریتانیا دەژی.
ساڵی ١٩٩٠ لە گوندی (تەپی سەفا) لەدایکبووە. قۆناغی سەرەتای و دواناوەندی لە شارۆچکەی سیروان و ئامادەیی لە هەڵەبجە خوێندووە. بڕوانامەی دبلۆمی لە کارگێڕی و بەکالۆرێوسی لە ژمێریاریدا بەدەستهێناوە. لە ڕۆژنامەی (داهێنان)، ڕادوێی یەکگرتوو، تیڤی یەکگرتوو، کاری ڕاگەیاندنی دەستپێکردووە. وەک ڕۆژنامەوان لە سایتی سبەی، ڕادوێی گۆڕان و پاشان وەک پەیامنێر لە کەناڵی KNN کاریکردووە و ماوەیەکیش بەرپرسی نوسینگە هەڵەبجەی کەناڵەکە و پاشان بەرپرسی پەیامنێرانی بووە. لە بواری ڕێکخراوەییدا بەڕێوەبەری ڕێکخراوی هەڵەبجە بووە و لەگەڵ ژمارەیەک لە ڕێکخراوە بیانییەکانیشدا کاریکردووە.
ناوی (ستار عەلی حسێن محەممەد)ە. ساڵی ١٩٧٣ لە شاری هەڵەبجە لەدایکبووە. دەرچووی ئامادەییە. لە ڕادوێ و تەلەفزیۆندا کاریکردووە. لە چەندین فیستیڤأڵ و شانۆدا بەشداربووە. ئەندامی دەستەی دامەزرێنەری ڕادوێی دەنگی ئیسلام، تیپی هونەریی مەشخەڵ، تیپی هونەریی گزنگ، قوتابخانەی هونەریی هاوکار و ماوەیەکیش بەڕێوەبەری قوتابخانەکەش بووە. کاری بێژەری لە ڕادوێ و تەلەفزیۆن کردووە. ژیانی هاوسەریی پێکهێناوە و خاوەنی دوو منداڵە. لە ئێستادا لە وڵاتی سوید دەژی.
ڕاگەیاندکار و شانۆکارە. ساڵی ١٩٨٤ لە شاری هەڵەبجە لەدایکبووە. بڕوانامەی بەکالۆریسی لە ڕأگەیاندندا هەیە. لە شانۆکانی (دڕندەی دارستان و ژیانی شارێک)دا بەشداریکردووە. پەیامنێری ڕۆژنامەی ئاوێنە و خاوەنی ڕۆژنامەی کەرنەڤاڵ بووە لە هەڵەبجە. پاشان لە چەند دەزگایەکی میدیاییدا وەک پێشکەشکار و ئامادەکار و بەڕێوەبەر کاریکردووە. لەوانە (نەخێر لە ئێستادا، کورد نیوز) سەرپەرشتیاری گشتیی کتێبخانەی NRT٤ و بەڕێوەبەری کەناڵەکەیە. ژیانی هاوسەریی پێکهێناوە و خاوەنی سێ منداڵە.
ساڵی ١٩٧١ لە شاری هەڵەبجە لەدایکبووە. لە ساڵی ١٩٩٦ەوە لە IMK TV دەستی بە کاری ڕاگەیاندن کردووە. بەڕێوبەری هەردوو کەناڵی IMK TV و IMK SPORT٢ بووە. ساڵی ٢٠١٧ وەک ستافى کارگێرى لقی هەڵەبجەی سەندیکای ڕۆژنامەوانانی کوردستان دەستبەکاربووە و لە ١ی ٧ی ٢٠٢٢ تا ١ی ١ی ٢٠٢٣ سکرتێری لقی هەڵەبجەی سەندیکای ڕۆژنامەوانانی کوردستان بووە. لە ئێستادا بەڕێوبەری هەردوو کەناڵی IMK TV و ڕادوێی دەنگی ئیسلامە لە هەڵەبجە.
ڕاگەیاندکار و ڕۆژنامەوانە. نوێنەرى حکومەتى هەرێمە. ساڵى ١٩٩٠ لەدایکبووە. قۆناغى سەرەتایى و ناوەندی لە هەڵەبجە تەواوکردووە. پەیمانگای پەروەردەی وەرزشی لە سلێمانی خوێندووە و بڕوانامەی بەکالۆریۆسی لە زانکۆی لیۆنی فەڕەنسا و ماستەرى لە زانکۆی کلێرمۆ فێراند لە فەڕەنسا بەدەستهێناوە. ماوەى چەندین ساڵ لە بواری دیبلۆماسی کاریکردووە. وەک تاکە ڕاگەیاندکاری وەرزشیی کورد لەناو یاریگاکانی ئەوروپا هەواڵی گواستووەتەوە. چەند خەڵاتێکی ناوخۆیی و نێودەوڵەتی وەرگرتووە، لەوانە (فاوندەیشى سەنتەرى فەڕەنسى کوردى بۆ گەشەپێدان و کلتور، سەنتەرى فەڕەنسى بۆ توێژینەوە لە عێراق، ژوورى بازرگانیى عێراق/ئیسپانیا). وەک پەیامنێر و بەرپرسى نوسینگەى کەناڵى کوردسات زیاتر لە ٧سأڵ لە چەند وڵاتێکى ئەوروپا، وەکو فەڕەنسا و ئیسپانیا کاریکردووە. ماوەى دوو ساڵە بە پلەى وەکیل وەزیر وەک نوێنەری حکومەتی هەرێمی کوردستان لە وڵاتى ئیسپانیا دەستبەکارە.
ڕۆژنامەوان و شاعیرە. ساڵى ١٩٧٩ لە گوندى (زەمەقیی خواروو) لەدایکبووە. ٢٠ ساڵە کاری ڕۆژنامەوانی دەکات. لە دەزگا و میدیاکانی: ڕادوێی شارەزوور، ڕادوێی دەنگی نوێ، ڕادوێی خاک، کاریکردووە. وەک ئامادەکار و پێشکەشکاری (شنەی مۆردانە)، کە بەرنامەیەکی (مێژوویی و ڕۆشنبیری)ی تایبەت بوو بە شاری هەڵەبجە، ئاژانسی هەواڵ و ڕادوێی ناوخۆ، ڕۆژنامەی ئاڵای ئازادی، ڕادوێی نەوا، ماڵپەڕی PUKMEDIA، ئاژانسی هەواڵی ڕۆژنیوز، کەناڵی KNN، کەناڵی ئاسمانیی (ستێرک تی ڤی)، لەئێستاشدا لە دەزگای میدیایی پۆڵەتیک پرێس، کاردەکات. خاوەنى بەرهەمێکى چاپکراوى شيعريي بەناونیشانی: (نيشتمانى ئەوينى من جێمەهێڵە) هەیە. ژیانی هاوسەریی پێکهێناوە و خاوەنی منداڵێکە.
ساڵی ١٩٨٨ لە شاری هەڵەبجە لەدایکبووە. بڕوانامەی بەکالۆریۆسی لە زمانی کوردی لە زانکۆی سەڵاحەدین لە هەولێر بەدەستهێناوە. لە چەندین دەزگای ڕاگەیاندن و بڵاوکراوەدا کاریکردووە، لەوانە (ڕۆژنامەی هاوڵاتی، ڕادوێی گۆڕان، ماڵپەری دیپلۆماتیک مەگەزین، گۆڤاری ستاندارد، گۆڤاری لڤین، ئاژانسی فورات نیوز، ئاکانیوز، شار پرێس)، هەروەها وتار و لێکۆڵینەوەی ئەدەبی و سیاسی بڵاوکردووەتەوە. ژیانی هاوسەریی پێکهێناوە و خاوەنى دوو منداڵە. لە ئێستادا لە شارى سلێمانى دەژی و پیشەی مامۆستايە.
ساڵی ١٩٨١ لە شاری هەڵەبجە لەدایکبووە. قۆناغی سەرەتایی و ئامادەیی لە سلێمانی و هەڵەبجە خوێندووە. پەیمانگای مەڵبەندی مامۆستایانی هەڵەبجەى تەواوکردووە. بڕوانامەی بەکالۆریۆسی لە بەشی مێژوو لە سلێمانی بەدەستهێناوە. ژیانی هاوسەریی پێکهێناوە و خاوەنی سێ منداڵە. جگە لە کاری مامۆستایەتی، وەک ڕاگەیاندکار لە: ڕادوێی هەڵەبجە، ڕادوێ و تەلەفزیۆنی یەکگرتوو، کەناڵى سپێدە و بەرپرسى نوسینگەی سلێمانی کەناڵی سپێدە، ئاژانسی کوردستان بۆ دەنگوباس ئاکانیوز، ئاژانسی ئەنادۆڵ، کاریکردووە.