بەرگی پێنجەم
کتێب، بەڵگەنامە و بڵاوکراوەکان
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
کۆکراوەی کتێب، دەستنووس و بەڵگەنامە گرنگەکان کە مێژوو و ڕۆشنبیری هەڵەبجە و ناوچەکە بە دۆکیۆمێنت دەکەن.
بەرگی پێنجەم
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
کۆکراوەی کتێب، دەستنووس و بەڵگەنامە گرنگەکان کە مێژوو و ڕۆشنبیری هەڵەبجە و ناوچەکە بە دۆکیۆمێنت دەکەن.
بڵاوکراوەیەکی ڕۆشنبیریی گشتییە. قوتابیانی یەکگرتوو ساڵی ٢٠٠٤ لە سنوری شارۆچکەی (خورماڵ) بە قەبارەی (A٤)و بە چوار لاپەڕە دەریانکردووە. بابەتەکانی گشتی بوون و بێبەرامبەر دابەشکراوە. پاش دەرکردنی شەش ژمارە. گۆڕانکاری لە ستاف و دەستەی نوسەرانیدا کراوە و ناوەڕۆکی بڵاوکراوەکەش گۆڕاوە.
گۆڤارێکى ساڵانەيە، لەلايەن (مەڵبەندى يەکى کۆمەڵى (ئيسلامى) دادگەریی)يەوە بە زمانى کوردى دەرکراوە. ساڵانە لە ڕۆژى ١٦ى ئازاردا دەرچووە. يەکەم ژمارەى لە ١٦ى ئازارى ٢٠٠٥دا بڵاوکراوەتەوە. هەریەک لە (شوان هەورامی، کۆچەر محەممەد، ئارام عەلی، عەبدوڵا فەتاح)، لەماوەی جیاوازدا سەرنوسەری بوون. سەرەتا وەکو پاشکۆى ڕۆژنامەى کۆمەڵ دەرچووه، لە ژمارە ١ بۆ ٦ پاشکۆى ڕۆژنامەى کۆمەڵ ١٦ی ٣ی بووە، لە ژمارە حەوتەوە ١٦ی ٣ی ٢٠١٣ بووە بە گۆڤار، تائێستا ١٠ ژمارەى لێچاپکراوە، سەرنوسەرەکەى (کۆچەر محەممەد عارف)ە، بەڕێوەبەرى نوسين (جوان فەتاح)، سکرتێرى نوسين (گۆران عەلى ئەحمەد)، دەستەى نوسەرانى بريتيبوون لە: مەهدى هەورامى، ئەيوب عەنەبى، ئاسۆ محەمەد فەرەج، هاوکار جەزا، شەرمين ئەبوبەکر، هودا والى، وریا عەلی.
بڵاوکراوەیەکی مانگانەی ڕۆشنبیریی گشتییە. لقی هەڵەبجەی (کۆمەڵەی ڕۆژ) بە هاوکاریی ڕێکخراوی هاندیکاپی جیهانی دەریکردووە. ژمارە سفری ساڵی ٢٠٠٢ بە ناوی کۆمەڵەی ڕۆژەوە دەرچووە. بایەخی بە کەسانی خاوەن پێداویستیی تایبەت و هۆشیاریی هاووڵاتیان لە هەڵسوکەوتکردن بەرامبەریان داوە. ڕێکخراوی کوردستان بۆ ڕاهێنانەوەی کەمئەندامان، هاوکاریی دارایی لقی هەڵەبجەی کۆمەڵەکە و ڕۆژنامەکەی کردووە. لە سلێمانی و هەڵەبجە لە دامودەستگاکانی حکومی و ڕێکخراوەکاندا بڵاوکراوەتەوە. سەرپەرشتیار: مەریوان وەهبی. دەستەی نوسەران (ئەحمەد حسێن، ڤیان حەمە باقی، حسێن مەحموود)، ١٣٦ ژمارەی بە ١٢ لاپەڕە لێدەرچووە. بەرگەکەی ڕەنگاوڕەنگ بووە. بە هۆی نەبونی پاڵپشتی داراییەوە لە مانگی ١٢ى ٢٠١٣دا ڕاگیراوە.
بڵاوکراوەیەکی ساڵانەی تایبەت بە یادی کیمیابارانی هەڵەبجەیە. مەڵبەندی یەکی بزوتنەوەی ئیسلامی بە هاوکاری مەکتەبی ڕاگەیاندن بەشی ڕۆژنامەگەریی بڵاوکردنەوە لە ڕۆژی ١٦ى ٣ بڵاویکردووەتەوە. هەر ساڵە و سەرنوسەرێکی هەبووە. یەکەم ژمارەی ١٦ى ٣ى ١٩٩٤ز دەرچووە. بابەتەکانی باس لە قوربانی و تراژیدیا و دۆخی ژیانی خەڵکی هەڵەبجە دەکات. ١٨ ژمارەی لێدەرچووە. ژمارەی لاپەڕەکانی ١٢-٥٠ لاپەڕە بووە و گۆڕانکاری بەسەرداهاتووە. ١٦ى ٣ى ٢٠٢١ کۆتا ژمارەی دەرچووە.
بڵاوکراوەیەکی هەشت لاپەڕەییە. ساڵی ١٩٦٢ بۆ ١٩٦٣ دوو هەفتە جارێک نووری مەلا ئەحمەدی خەرامان دەریکردووە. ئاشکرا نازناوی نووری مەلا خەرامان بووە. بە ماوەیى دراوەتە خوێنەران و وەرگیراوەتەوە و دەستاودەستی پێکراوە. کەمال حەمەساڵح لولو، لە کتێبخانەی ماڵی پاشاوە سەرچاوە و کتێبی بۆ هەفتەنامەکە هێناوە. قوتابیان و کاسبکاران خوێنەری بوون و بابەتەکانی بریتیبوون لە هەواڵە گرنگەکانی ڕادیۆ، زانیاریی گشتی و... هتد، لە ڕادیۆکەی تۆفیقی مەلا محەممەدی باشکاتبەوە بابەت بۆ ڕۆژنامەکە وەرگیراوە.
بڵاوکراوەیەکی فکری ڕۆشنبیری دەستەیەک سەرکردەی ناو ڕیزەکانی کۆمەڵەو یەکیەتی نیشتمانی کوردستان بوە. ژمارە یەکی بە نهێنی نهێنی لە شاخ دەرچووەو ئەستێرەیەکی سووری لە سەربووەو لە قوتابخانەی گریانە چاپکراوەو ئامێری چاپەکەی لە ئەشکەوتی بەڕوار شاردراوەتەوە. لە دوای دروستبوونی مەفرەزەسەرەتاییەکانی شۆڕشی نوێ و دروستبوونی پێشمەرگە، گریانە دەبێتە بنکەو شوێنی حەوانەوەی پێشمەرگەو خاڵی بەیەکگەشتنەوەی مەفرەزەکان، ئازاد هەورامی دێتە گریانەو بڕیاری کردنەوەی بنکەیەکی ڕۆشنبیری بۆ پێشمەرگە دەکاتەوە. یەکەمین خول و دەوری کادران لە کوردستان لە گریانە دەستپێدەکات، وانەکانی ڕۆشنبیری و هوشیاری و مێژوویێ تێدا وتراوەتەوە.
گۆڤارێکی هزری و ئەدەبیی وەرزییە. ناوەندی ڕوناکبیریی خورماڵ دەریدەکات. ژمارە (١)ی ساڵی ٢٠١٥ دەرچووە. خاوەنی ئیمتیازی (ناوەندی ڕوناکبیریی خورماڵ)ە. سەرنوسەر (د.عیرفان مستەفا). جێگری سەرنوسەر مامۆستا جەمال بێدار. بەڕێوەبەری نوسین: ڕایان عوسمان، ستافی نوسین: (ڕەحیم حەمەلاو، سوهەیب فاروق، سامان ئەحمەد، تێبین عەبدولڕەحمان، عەبدولڕەحیم سەعید).
بڵاوکراوەیەکی ڕۆشنبیریی گشتییە. قوتابخانەی ناوەندی ئەحمەدئاوای تێکەڵ لەسەرەتای ساڵی ٢٠٠٦دا دەریکردووە. حەوت ژمارەی لێدەرچووە. خاوەنی ئیمتیاز: ئیبراهیم حاجی زەڵمی (بەڕێوەبەری قوتابحانەکە) بووە، سەرنوسەرەکەی: محەممەد شەریف (حەمەئەوین) بووە. دەستەی نوسەرانی لە مامۆستا و قوتابییان (نوعمان تاهیر، مەولوود محەممەد، ڕابەر ئیبراهیم، سەباح سدیق) بوون. بێبەرامبەر بەسەر خوێندکاراندا دابەشکراوە.
ڕۆژنامەیەکی پەروەردەیی و ڕۆشنبیریی گشتییە. ئامادەیی ئەحمەدموختار جافی کوڕان لە هەڵەبجە دەریکردووە. لە سنوری هەڵەبجە بڵاوکراوەتەوە. هۆشەنگ ڕەئووف بەڕێوەبەری ئامادەییەکە و خاوەن ئیمتیاز بووە، سەرنوسەرەکانی فەیسەڵ ئیبراهیم و ئەرسەلان عابید بوون. قەبارەی (٣٠ بە ٥٠ سم) بووە، ژمارەی لاپەڕەکانی هەشت لاپەڕە بووە و بە تیراژی ٢٥٠ دانەی ڕەنگاوڕەنگ ١٠ ژمارەی لێدەرچووە، مانگانە لە وەرزەکانی خوێندندا دەرکراوە و لە کانوونی یەکەمی ساڵی ٢٠١٢ ژمارە یەکی لێ بڵاوکراوەتەوە و لە ساڵی ٢٠١٤دا بە هۆکاری ئیداری و دارایی ڕاگیراوە.
گۆڤارێکی سیاسی و ڕۆشنبیریی گشتییە. نوسینگەی ڕۆشنبیریی و ڕاگەیاندنی لقی ٤ (پ. د. ک) ژمارە یەکی لە مانگی ١٢ى ١٩٨٥ بە قەبارەی نیو ئەیفۆڕ دەریکردووە. ١٣ ژمارەی لێدەرچووە و دواتر ڕاگیراوە. لە ئەیلولی ١٩٩٢دا بە خولی دووەم دەریکردوەتەوە. دوای دەرچوونی حەوت ژمارە لە مانگی ١١ى ١٩٩٥ گوازراوەتەوە بۆهەڵەبجە و لەوێش ٦ ژمارەی ٤٠ بۆ ٥٠ لاپەڕەیی لێدەرچووە. لە ٣١ى ٨ى ١٩٩٦ بە هۆی شەڕی ناوخۆ و چۆڵکردنی سنورەکە لەلایەن پارتییەوە ڕاگیراوە. لە هەڵەبجە خاوەنی ئیمتیازی: عارف تەیفوور و سەرنوسەرەکانی عەلی تۆفیق و حەمەی ئامۆزا و هۆگر عومەر بوون. دەستەی نوسەرانی بریتیبوون لە (عوسمان عەبدولڕەحمان، دیار جاف، لەتیف قەرەداغی، حاکم پشکۆ، جەلیل خانەقینی).
ڕۆژنامەیەکی سیاسی ڕۆشنبیریی گشتییە. لقی سێی پارتی دیموکراتی کوردستان لە مانگی ٥ بۆ ٧ی ١٩٩٦ لە هەڵەبجە مانگانە دەریکردووە. سێ ژمارەی لێدەرچووە. خاوەنی ئیمتیاز: نوری حەمە عەلی. سەرنوسەر: حەمەسەعید کەلاری. بە هۆکاری شەڕی ناوخۆ و گۆڕینی هاوکێشەکان، وەستاوە.
گۆڤارێکی سیاسی ڕۆشنبیریی بووە. لقی سێی پ.د.ک دەریکردووە. ژمارە ١ی لە ئابی ١٩٨٤ بە ناوی باوە گوڕگوڕ دەرچووە. بە قەبارەی ئەیفۆڕ بووە. لە تەمووزی ١٩٨٦ وەستاوە. لە مانگی نیسانی ١٩٩٦ وەک قۆناغی دووەمی گۆڤارەکە لە هەڵەبجە لە ژمارە یەکەوە دەست بە دەرچوونی کراوەتەوە و لاپەڕەکانی زیادیکردووە. سێ ژمارەی لێدەرچووە. خاوەنی ئیمتیازی ئەم خولەی نوری حەمەعەلی و سەرنوسەرەکەی حەمەسەعید کەلاری و سکرتێری نوسین برایمی مەلا بووە. بەهۆی شەڕی ناوخۆ و ئاڵوگۆڕی شوێنی حزبەکانەوە داخراوە.
بڵاوکراوەیەکی مانگانەی ڕاگەیاندنی مەڵبەندی هەشتی ڕێکخستنی بزوتنەوەی ئیسلامییە. ساڵی ١٩٩٨ لە شارۆچکەی خورماڵ دەرچووە. بە قەبارەی (١٨بە ٢١سم)، و لە (١٦) لاپەڕەدا بووە. بابەتەکانی بریتیبوون: لە زانیاریی ئایینی و زانیاریی گشتی و ڕێکخستن و وشیاریی سیاسیی.
گۆڤارێکی شوێنەواریی کلتوریی مانگانەیە. لەلایەن کۆمەڵێک لە شارەزا و پسپۆڕی شوێنەواری لە هەڵەبجە دەرکراوە. ژمارە یەکی لە مانگی ١٢ی ٢٠١١ دەرچووە و تەنها دوو ژمارەی لێدەرکراوە، لە مانگی ١ی ٢٠١٢ ژمارەی دووەمی وەکو کۆتا ژمارە لێدەرچووە. خاوەن ئیمتیاز: عەبدولقادر شادی. سەرنوسەر: ئاسۆ محەممەد. دەستەی نوسەران (ئەحمەد ڕەنجیار و کاروان ئیسماعیل و عەباس عەلی و نەریمان خانەڕەحیم) بوون. بەرگەکەی ڕەنگاوڕەنگ و ناوەوەی ڕەشوسپی و ژمارەی لاپەڕەکانی ٣٠ و ٣٥ لاپەڕە بوون. بە قەبارەی ئەیفۆڕ دەرکراوە و تیراژەکەیشی ١٥٠ دانەی لێدەرکراوە و لە هەڵەبجە، سلێمانی و هەولێر بڵاوکراوەتەوە. بە هۆی قەیرانی داراییەوە ڕاگیراوە.
ڕۆژنامەیەکی هەفتانەیە. زمانحاڵی بزووتنەوەی ئیسلامی بووە. لە دوای ڕاپەڕینی ساڵی ١٩٩١ مەکتەبی ڕاگەیاندنی بزووتنەوە لە سلێمانی دەریکردووە. سەرەتا ڕەشوسپی بووە. بابەتی سیاسی و فکری و ئەدەبی و ڕۆشنبیری و هەواڵی بڵاوکردووەتەوە. خاوەنی ئیمتیاز: عەبدوڵای قەسرێ. سەرنوسەر: فازل قەرەداغی. ژمارەی لاپەڕەکانی هەشتی A٣. تیراژ ١٠٠٠دانە. لە ساڵی ١٩٩٤ هاتووەتە هەڵەبجە و سەرنوسەرەکەی بووە بە شوان هەورامی و دواتر مامۆستا وەرزێر و پاشان کامیل مەحموود، ژمارەی لاپەڕەکانی کراون بە ١٢ لاپەڕە. تا ژمارە ٤٣ بەم ناوەوە دەرکراوە. دوای یەکگرتنی بزوتنەوەی ئیسلامی و بزووتنەوەی ڕاپەڕین لە ٢٠ى ٨ى ١٩٩٩ ڕۆژنامەکە ناوەکەی بووە بە (ڕێگای یەکبوون) و بەرگی ڕۆژنامەکەش ڕەنگاوڕەنگ بوو. لە ژمارە ٤٤وە بە هەمان ناوەڕۆکی بزووتنەوەوە دەرکراوە. بەڵام بووە بە زمانحاڵی یەکبوون و ژمارەی لاپەڕەکانی بوون بە ١٦. دوای لێکترازانەکانی کۆمەڵی ئیسلامی و ئەنسار ئیسلام لە یەکبوون، ئەم ڕۆژنامەیەش لە ئایاری ٢٠٠١ وە جارێکی تر کرایەوە بە ناوەکەی یەکەمجار، هەتا ساڵی ٢٠٠٥. دواتر ناوەکەی کرا بە (باسک)و هەتا ژمارە ٤١٥ی دەرچووە. لەمانگی ١ى ٢٠١١بە هۆی ململانێی ناوخۆییەوە ڕاگیراوە.
بڵاوکراوەیەکی ڕۆشنبیی گشتیی مانگانەیە. ناوچەی خوشکانی یەکگرتووی ئیسلامیی کوردستان لقی هەڵەبجەی شەهید دەریکردووە. خاوەنی ئیمتیاز: ناوچەی خوشکان. سەرنوسەر و کاری دیزاین: عەبدولڕەمان نەجمەدین. ١٠ ژمارەی ١٠ لاپەڕەنیوی ئەیفۆڕی ڕەشوسپی لێدەرچووە. ژمارە یەکی ١ى ١ى ١٩٩٩ و کۆتا ژمارەی ١ى ١٠ى ١٩٩٩ دەرچووە و دواتر ڕاگیراوە.
بڵاوکراوەیەکی ڕۆشنبیریی گشتیی مانگانەیە. ناوەندی چالاکی و پێگەیاندنی لاوانی هەورامان دەریدەکات. ستافی بڵاوکراوەکە زۆربەیان گەنج بوون و ئەو ناوەیان لێناوە. ناوەندەکە خاوەنی ئیمتیاز (ڕزگار سعید) سەرنوسەر و بەڕێوەبەری نوسین (زیاد حەسەن) بووە، کە دواتر ئەمیش بووەتە سەرنوسەر. سنەوبەر هانەوێڵەیی وەک ئافرەت کاریگەری هەبووە لەسەرخستنی بڵاوکراوەکەدا. ئامانجی بڵاوکراوەکە بریتیبووە لە خستنەڕووی بابەتەکان لە سەرجەم بوارەکاندا. ستافی بڵاوکراوەکە چەندین خولی جیاجیای بۆ خەڵکی دەڤەرەکە کردووەتەوە، وەک خولی ڕۆژنامەنوسی بۆ گەنجان. بڵاوکراوەکە گەشتوەتە دەرەوەی خورماڵ. ژمارە (سفر)ی لە ١٨ى ٢ى ٢٠٠٩ بەشێوەی ڕەنگاوڕەنگ و بە قەبارەی (A٤) و بەهەشت لاپەڕە دەرچووە. پاش دەرچوونی چەند ژمارەیەک ڕاگیراوە.
گۆڤارێکی ئیسلامیی وەرزییە. ڕێکخراوی یەکیەتی ئافرەتانی موسڵمانی کورد دەریکردووە. یەکەم ژمارەی پاییزی ١٩٩١ دەرچووە، تا ساڵی ١٩٩٩، ٢٠ ژمارەی لێدەرچووە. خاوەنی ئیمتیاز: سوعاد عوسمان سەعید. سەرنوسەر: ئامینە سدیق. ژمارەکانی سەرەتای ڕەشوسپی بوون. دواتر بەرگەکەی ڕەنگاوڕەنگ بووە. بە هۆی یەکگرتنی بزوتنەوە و نەزهەوە بۆ ماوەوی ٩ساڵ وەستاوە. ساڵی ٢٠٠٧ جارێکی تر بە ژمارە ٢١ بە خاوەن ئیمتیازی ڕوقیە سدیق و سەرنوسەریی ئامینە سدیق دەرکراوەتەوە. بەڵام ئەم خولی دووەمەی بە گۆڤارێکی سەربەخۆ دەرکراوە. ژمارەی لاپەڕەکانی ١٠ بۆ ١٥ و بە قەبارەی ئەیفۆر و تیراژی ٥٠٠ دانە. ٢٨ ژمارەی لێدەرچووە. کۆتا ژمارەی پایزی ٢٠١١ بووە و دواتر داخراوە.
گۆڤارێکی وەرزییە. ساڵی ١٩٩٢ لەلایەن کۆمەڵەی ئەدیب و نوسەرانی مسوڵمان، کە سەر بە یەکگرتووی ئیسلامیی کوردستان بوون، دەرکراوە. سەرەتا لە سلێمانی دەرکراوە، بەڵام لە ژمارە ٦٤ـەوە، لە مانگی ١٠ی ساڵی ٢٠٠١ گۆڤارەکە چووەتە هەولێر و هەتا ژمارە ١١٢ بەردەوامبووە. دوای ئەوە گوازراوەتەوە بۆ هەڵەبجە و لە هاوینی ٢٠١٩ ژمارە ١١٣ لێدەرچووە. سەرنوسەرەکەی بووە بە مودریک عەلی عارف، هەتا ئێستاش لە هەڵەبجە بەردەوامە. ١٢٤ ژمارەی بە تیراژی ٥٠٠ بۆ ٧٠٠ دانەی لێدەردەکرێت. لە سلێمانی قەبارەکەی وەزیری بووە و لە هەولێر کراوە بە ئەیفۆڕ و لە هەڵەبجەیش هەمان قەبارەی هەولێرە. لەسەرەتای دامەزراندنیەوە بەرگەکەی ڕەنگاوڕەنگ بووە و ناوەڕۆکەکەی ڕەشوسپی، بەڵام لەگەڵ هاتنی بۆ هەڵەبجە لە ساڵی ٢٠١٩دا، هەموو گۆڤارەکە بوو بە ڕەنگاوڕەنگ. لە سلێمانی و هەولێر هەر لە چاپخانەکانی ئەو شارانە چاپدەکرا، بەڵام لەگەڵ هاتنی بۆ هەڵەبجە لە چاپخانەکانی ئێران چاپدەکرێت. ژمارەی لاپەڕەکانی بە پێی بابەت گۆڕانکاری بەسەرداهاتووە، بەڵام بەگشتی لەنێوان ٣٥٠ بۆ ٤٥٠ لاپەڕەدا بووە. ناوەڕۆکی گۆڤارەکە بابەتی ڕۆشنبیری و پەروەردەیی و ئەدەب و هونەر لەخۆدەگرێت، بە دروشمی (گەڕان بە دوای پارچەکانی حەقیقەتدا) بابەتەکانی بڵاودەکاتەوە.
بڵاوکراوەیەکی تایبەت بووە بە یادی ڕاگەیاندنی یەکگرتووی قوتابیانی کوردستان. لە شارۆچکەی سیروان دەرچووە. ژمارە (سفری ئەزموونی) و یەک و دووی لە ساڵی ١٩٩٧ و ژمارە سێی لە ١٩٩٨دا دەرچووە.