عزەت ئەحمەد عیسا
دواین نوێکردنەوە: 2026-04-07
بە مەلا عزەت ناسراوە. لە ساڵى ١٩٥٦ لە گوندى (کەوتە) لەدایکبووە، هاوسەرگیرى کردووە و خاوەنى ٥ منداڵە، بە مەبەستى خوێندن چەند شوێنێ گەڕاوە، لەوانە: هەڵەبجە و بیارە و سلێمانى، تاکو لە ساڵى ١٩٧٩ لە هەڵەبجە خوێندن تەواودەکات و ئیجازەى مەلایەتى وەردەگرێت. ساڵى ١٩٨٠ دامەزراوە بە ئیمام و خەتیب لە مزگەوتى (سەڵاحەدین) لە شارۆچکەى سیروان. لە ساڵى ١٩٩٩ دواى گەڕانەوەى لە ئاوارەیى، بووەتە وتارخوێن لە مزگەوتى گوندى (خێڵى حەمە). بۆ ماوەى ١٢ ساڵ لەو مزگەوتە خزمەتى کردوە. ٢ ساڵێش لە مزگەوتى گەورەى هەڵەبجە دەبێتە وتارخوێن. لەئیستادا بەهۆى تەمەن و نەخۆشیەوە لە ماڵەوەیە، لە هەڵەبجە نیشتەجێیە.
سەرچاوەکان:
- چاوپێکەوتنى ئامادەکار لەگەڵ ناوبراو(عزەت ئەحمەد عیسا)، لە ١٣ى١ى٢٠٢٥، لە هەڵەبجە.
- چاوپێکەوتنى ئامادەکار لەگەڵ(سەلاح ئەحمەد عیسا)،لەدایکبوو: ١٩٦٧،بڕوانامە: دیبلۆم، پیشە: مامۆستا،لە ١٣ى١ى٢٠٢٥،لە هەڵەبجە.
ئامادەکردنی: سەلام هانەدنی