دامە

دواین نوێکردنەوە: 2026-04-12

ناوەندی ڕۆشنبیری و وەرزشی

لاپەڕەی 161

یاری وەرزشی

یارییەکی کوردەوارییە. دووکەسییە، زیاتر هی بەساڵاچووانە، گەنجیش کردوویەتی. لە هەڵەبجە و هەوراماندا زۆر برەوی هەبووە. هۆش و بیر و لێزانینی پێویستە. لەسەر تەختێکی هێڵ_کێشراوی شەست و چوارخانەیی دەکرێت. هەر لایەک ١٦ داشی لە بەردی بچووک یان هەرشتێکی تر هێندەی دەنکە فاسۆلیایەکی پێویستە. نابێت داشەکانی هەردولا وەکیەکبن. بە دوو ڕیز دادەنرێن. هەرکام لە داشی هەر کەسێکیان گەشتە کۆتا خانەی بەرامبەر، بەو دانە داشە دەوترێت (دامە)، کە توانای جوڵەی لە هەموو داشەکانی تر زیاترە. بە تەنها داشی ماوەی هەرکەسێکیش لە یارییەکە دەوترێت داشەهارە. کە هەمان پێگە و توانای دامەی هەیە.

سەرچاوەکان:

  1. یاری لە کوردەواریدا، پێکهاتنی لەڕووی زمانەوە و کاری لەسەر کۆمەڵ، دکتۆر نەسرین فەخری، بەرگی یەکەم، ل١٣٢.

ئامادەکردنی: هومایون ساحیب کەریم

5

هاوبەشی پێبکە

بابەتە هاوپەیوەندیدارەکان

گۆڕەپان و مەیدان

یارییەکی وەرزشییە. مێژووی ئەم یارییە لە هەڵەبجەدا بە شێوەیەکی کلاسیکی دەگەڕێتەوە بۆ ساڵانی پەنجاکان، ئەو سەردەمە فەقێی حوجرەکان لە بەهاراندا بەتایبەت لە نێو خۆیاندا لە دەشتودەر، یان لە گوندێکەوە بۆ گوندێکی تر یان لە گوندەوە بۆ شار، ڕاکردن و ماراسۆنیان کردووە. پاشان لە ساڵانی سەرەتای حەفتاکاندا، ئەم یارییە زیاتر دەرکەوت و گرنگی پێدرا، بەتایبەت بە هۆی فیستیڤاڵی وەرزشی ساڵانەی قوتابخانە و خوێندنگەکانی هەڵەبجەوە، کە تێیدا ژمارەیەک وەرزشەوانی لاوی بە توانا، بۆ ئەم یارییە دەرکەوتن و ئەنجامی باشیان بەدەستدەهێنا، لەوانە: مەولوود عەبدوڕەحمان بیاوێڵە، (کە بە سەعید عویتەی جەزائیری دەناسرا)، کاوە عومەر سەعید، عەلی سەعید ئەحمەد (عەلی مامە سەعید)، محەممەد ئەحمەد فەرەج (محەممەد باڵابەرز)، عومەر حەمەئەمین، ئەحمەد سەید فەرەج، نەجمەدین ڕەشید، حاجی والی، عوسمان حەمەئەمین، ئەحمەد حەمەئەمین، محەممەد حەمەڕەشید. لە ساڵانی نەوەدەکان و دوو هەزار و تا ئێستا، هەریەک لە یانەی وەرزشی هەڵەبجە و یانەی وەرزشی پەیام و ڕێکخراو و سەنتەرەکان، ناوەناوە یان بە هۆی بۆنە و یادەوەرییەکانەوە، وەک چالاکی وەرزشی، یاریی ماراسۆن و ڕاکردن و گۆڕەپان و مەیدان، ڕێکدەخەن.

زیاتر بزانە
یاری وەرزشی