دێرینەکان

دەستەیەکی وەرزشیی تۆپیپێی هەڵەبجەن، سەر بە پەیوەندیی یاریزانانی پێشەنگی تۆپیپێی عێراقن. بە بیرۆکە و هەوڵی بێساران محەمەد حسێن، بەکۆبوونەوەی نوێنەری چوار تیپی ناوداری هەڵەبجە(شنروێ، کوردستان، ڕاستی، پەیام) لە مانگی ٨ی ٢٠١٩ لە یانەی وەرزشی پەیام، دامەزراوە. کە پێشتر لە ساڵی ٢٠١٠ بە شێوەیەکی ڕێکخراو کەوتبوونە ئەنجامدانی یاریی دۆستانە و خول و پاڵەوانێتی لە هەڵەبجەدا. لە ڕێگەی یاریزانە پێشەنگەکانی عێراقەوە وەک حمدی جبر سەرۆکی دەستەی دێرینەکانی کەرکوک و بسام ڕەئوف سەرۆکی یاریزانە دێرینەکانی عێراقەوە، فەرمانی کارگێڕیان بە ژمارە ٥ی ٣٠ی٤ی ٢٠٢٣ بۆ دەستە کارگێڕیەکەی دەرکراوە و بوونەتە خاوەنی مۆڵەت و مۆری یاسایی و لەلایەن یەکێتیی تۆپیپێی کوردستان و لە لیژنەی ئۆڵۆمپیی کوردستانەوە پشتگیری کراون. کارگێڕییەکەی: عەلی سەعید ئەحمەد، سەرۆک، ڕزگار حەمە نوری میرزا، جێگری یەکەم، ستار ئەنوەر عبدالرحمن، جێگری دووەم، بێساران محەمەد حسێن، ئەمینداری گشتی، محسن حەمە غریب، ئەمینداری داریی، تیمور محەمەد عینایەت، مجاهد محمد ئەمین، ئەحمەد محەمەد عەبدوڵا، نامق محەمەد ئەحمەد، مەحمود حەمەئەمین مەحموود، محسن عەبدوللا تاماس ئەندام. تیپێکیان بە پێی ساڵی لەدایکبوون دروستکردووە و لەسەر ئاستی پارێزگاکانی عێراق تا خولی هەشت، چوون. بەشداریان لە خول و پاڵەوانێتییەکانمی هەرێم و موسڵ و کەربەلا و چەندین شاری ئێراندا کردووە. لەلایەن پارێزگار و قایمقام و سەرمایەدار ئاسۆی حاجی محەمەد بامۆکییەوە پشتگیری دەکرێن.