سەرۆکایەتیی شارەوانیی تەوێڵە
دواین نوێکردنەوە: 2026-04-14
پێشتر سەر بە بەڕیوەبەرایەتیی گشتیی سلێمانی بووە، بەڵام پاش بە پارێزگابوونی شارەی هەڵەبجە، لە ئێستادا سەر بە بەڕێوەبەرایەتیی گشتيی شارەوانییەکانی هەڵەبجەیە. مێژووی دروستبوونی دەگەڕێتەوە بۆ ساڵی ١٩٣٥، بەڵام پاش ماوەیەک داخراوە. لە ١ى ١١ى ١٩٤١ بە شێوەیەکی فەرمی دامەزراوەتەوه. شوێنی یەکەمجاری لە ماڵی (عەزیز حەمەئەمین)ـدا بووە. ساڵی ١٩٤٨ بینای تایبەتی بۆ دروستکراوە. ساڵی ١٩٥٢ نهۆمێکی تری بۆ زیادکراوە و کراوە بە بنکەی تەندروستی و دواتریش دراوە بە کرێ. هەر هەمان ساڵ بەشی ڕاستیشی لە نهۆمی یەکەمی بۆ زیادکراوە، کە لە سێ دوکان پێکهاتووە و نهۆمی سەر ئەم دوکانانەش کراوە بە (یانەی میوان). شارەوانییەکی پلە چوارە. پێنج هۆبەی (کارگێری، ژمێریاری، هونەری، ئامێرەکان، باخچەکان)ی هەیە. لە ئێستادا ٤٦ فەرمانبەری هەیه، کە ١٢یان گرێبەستن. ئەندامانی ئەنجومەنەکە بریتین لە:
١- عیماد محەممەد خالید: ساڵی ١٩٧٩ لەدایکبووە.
٢- دیاری تۆفیق سان ئەحمەد: ساڵی ١٩٦٤ لەدایکبووە.
٣- هارون ئەحمەد قادر: ساڵی ١٩٧١ لەدایکبووە.
٤- ئاوارە یوسف محەممەد: ساڵی ١٩٩٩٠ لەدایکبووە.
٥- گەردوون ڕۆستەم مستەفا: ساڵی ١٩٨٢ لەدایکبووە.
بەپێی تەمەنی شارەوانییەکە، ئەم کەسانە بەڕێوەیانبردووە:
١- محەممەد سان ئەحمەد: ١٩٤١ هەتا ١٩٥٨ دەستبەکار بووە.
٢- مەلا نووری هەڵەبجەیی: هەتا ١٩٦٣ دەستبەکار بووە.
٣- نووری حەمەی نانەوا: هەتا ١٩٦٤ دەستبەکار بووە.
٤- محەممەد سان ئەحمەد: دووبارە و هەتا ١٩٧٥ دەستبەکار بووە.
٥- شێخ موحسین تاوەگۆزی: بۆ ماوەی یەک ساڵ دەستبەکار بووە.
٦- جەمیل عەبدلئەحەد: ماوەی دەستبەکاربوونەکەی نەزانراوە.
٧- هادی محەممەد سان ئەحمەد: هەتا ١٩٨١ و چۆڵکردنی شارەدێیەکە دەستبەکار بووە. پاش ڕاپەڕینی ساڵی ١٩٩١ دووبارە سەرۆکی شارەوانییەکەی گرتووەتەوەدەست.
٨- دڵسۆز محەممەد سان ئەحمەد: هەتا ٢٠٠٥ دەستبەکار بووە.
٩- عەلی قادر: ٢٠٠٥ دەستبەکار بووە.
١٠- سەردار حەمەشەریف: ٢٠٠٦ هەتا ٢٠٠٧ دەستبەکار بووە.
١١- سیروان عەلی محەممەد ئەمانوڵڵا: هەتا ٢٠٠٨ دەستبەکار بووە.
١٢- ڕاغیب عابد: ٢٠٠٩ هەتا ٢٠١٠ دەستبەکار بووە.
١٣- حەسەن ڕەشید: ساڵی ٢٠١٠دا دەستبەکار بووە.
١٤- هیوا ئیسماعیل سەعید: ٢٠١٠ هەتا ٢٠١٧ دەستبەکار بووە.
١٥- عیماد محەممەد خالید: ٢٠١٧ هەتا ئێستا سەرۆکی شارەوانییە.
سەرچاوەکان:
- سەربوردێکی هەورامان و سەردانێکی تەوێڵە، عبدالرزاق عبدالرحمن محمد، چاپی یەکەم، تاران، ٢٠٠٥، ل٤٠٧.
- چاوپێکەوتنی ئامادەکار (هومایۆن ساحیب کەریم) لەگەڵ (عیماد محەممەد خالد)ی سەرۆکی شارەوانیی تەوێڵە، لە ٢٨ی ٨ی ٢٠٢٣.
- داتا و زانیاری لە بەڕێوەبەرایەتیی ناحیەی بیارە، لە ٢٧ى ٥ى ٢٠٢٣.
- چاوپێکەوتنی ئامادەکار (جەوهەر عەزیز ئەحمەد) لەگەڵ (چۆمان کەمال سەعید)، لەدایکبوو: (١٩٩٠)، بڕوانامە: (بەکالۆریۆس)، کارمەندی سەرۆکایەتیی شارەوانیی تەوێڵە، لە ٢١ى ٩ى ٢٠٢٣.
- داتا و زانییاییەکانی سەرۆکایەتیی شارەوانیی تەوێڵە، لە ٧ی ١ی ٢٠٢٤ .
ئامادەکردنی: هومایون ساحیب کەریم,جەوهەر عەزیز ئەحمەد