سەرۆکایەتیی شارەوانیی بەمۆ
دواین نوێکردنەوە: 2026-04-12
بەپێی بەیانی ژمارە (٧) لە ٣٠ی ٦ی ٢٠٠٩ وەزارەتی شارەوانی و گەشتوگوزار، بە واژۆی وەزیری شارەوانی (نازەنین محەممەد وسو) وەکو شارەوانییەکی پلە چوار کراوەتەوه و دەقی بڕیارەکە لە ڕۆژنامەی وەقایعی کوردستان بڵاوکراوەتەوە. لە ئێستادا سەرۆکایەتیی شارەوانیی بەمۆ سەر بە بەڕێوەبەرایەتیی گشتیی شارەوانییەکانی هەڵەبجەیه. ناوی ئەو سەرۆکانەی، کە هەتا ئێستا شارەوانییەکەیان بەڕێوەبردووە:
١- ڕەزا ساڵح قادر: ساڵی ٢٠٠٩ هەتا ساڵی ٢٠١٢ سەرۆکی شارەوانی بووە.
٢- سیروان فایەق عەبدولمحەممەد: ساڵی ٢٠١٢ بۆ ماوەی شەش مانگ بەکاتی سەرۆکی شارەوانی بووە.
٣- ئوسامە سەبری محەممەد: ساڵی ٢٠١٣ هەتا ٢٠١٩ سەرۆکی شارەوانی بووە.
٤- کەریم عەلی قادر: ساڵی ٢٠١٩ هەتا ئێستا سەرۆکی شارەوانییە.
سەرچاوەکان:
- ڕۆژنامەی وەقایعی کوردستان، ژمارە (١٠٦)، لە ٥ی ١٠ی ٢٠٠٩.
- چاوپێکەوتنی تیمی مەیدانی لەگەڵ (سیروان فایەق عەبدولمحەممەد)، لەدایکبوو: ١٩٨٣، بڕوانامە: دبلۆم، پیشە: فەرمانبەر، له ١٤ی ٤ی ٢٠١٤.
ئامادەکردنی: تیمی مەیدانی/ شارۆچکەی بەمۆ