حەسەن نازدار میر ئەحمەد

چیرۆکنوس، لێکۆڵەر و وەرگێڕە. ساڵی ١٩٧٦ لە گوندی (بانیبۆڵان)ی ناوچەی تاوگۆزی لەدایکبووە. قۆناغی سەرەتایی لە هەڵەبجە و ناوەندی و ئامادەیی لە هەڵەبجەی تازە و بەشی کوردیی پەیمانگای مەڵبەندی مامۆستایانی لە سلێمانی تەواوکردووە. ساڵی ١٩٩٢ یەکەم چیرۆکی بڵاوکردووەتەوە. لە زۆربەی گۆڤار و ڕۆژنامەکانی هەرێم و دەرەوی هەرێم بابەتی بڵاوکردووەتەوە. خاوەنی ٢٢ کتێبی چاپکراوە، لەوانە: (ئەفسونی ئاوێنە ڕەشەکە، ئەدەبیاتی نامەو نامە لای مەولەوی، ئیمامی شافیعی، حکایەتی عاریفان، چیرۆکەکانی مەسنەوی، زنجیرەی ژیاننامەی کەسایەتییە دیارەکانی وەک مەولانا، ئۆشۆ، غاندی، چاپلن، کۆیلۆ، شەرعەتی، ماندێلا). چەند جارێک خەڵات کراوە. لەوانه:‌ (خەڵاتی فیستیڤاڵی گەلاوێژ، فیستیڤاڵی لاوان و خەڵاتی یەکەمی فیستیڤاڵی دەستی شار). لە ئێستادا لە شاری هەڵەبجە دەژی‌ و پیشەی مامۆستایە.