ئاوات نەقشبەندی

ناوی تەواوی ئاوات مەحموود صاحب نەقشبەندییە. لەدایک و باوکەوە لە بنەماڵەی شێخانی نەقشبەندیی هەورامانە. ساڵی ١٩٨٣ لە دایکبووە. بەکالۆریۆسی لە زانستە ئیسلامییەکان لە زانکۆی سەڵاحەدین و ماستەری لە زانستەکانی قورئان لە زانکۆی ئوم درمان لە سودان بە دەستهێناوە. بڕوانامەی زانستی ئیسلامی لە خانەقای بیارەش وەرگرتووە. لە چەندین گۆڤار و ڕۆژنامەدا نوسینی بڵاوکردووەتەوە. دەستەی نوسەرانی گۆڤاری دیدی زانکۆ، بانگ، سەرپەرشتیاری بڵاوکراوەی گزنگ و یادما بووە. هەندێک لە بەرهەکەکانی: الملا محمد أمين الکاني ساناني و جهوده العلمية. الملا محمد باقر البالکي و جهوده في التفسير، عەللامەی عالی، شێخە نەقشبەندییەکانی هەورامان لە شیعری شاعیراندا، باڵەخانەی چەم (مێژووی خانەقای بیارە، دنیانەویستی لای نەقشبەندییەکانی کوردستان). لە ساڵی ٢٠٠٥وە تا ئێستا پێشنوێژ و وتاربێژە. خێزاندارە و خاوەنی سێ منداڵە.