ڕەنگین سەلام مەحموود ئەحمەد
دواین نوێکردنەوە: 2026-04-16
بە (ڕەنگین سەلام) ناسراوە. ساڵی ١٩٨٣ لە شاری هەڵەبجە لەدایکبووە. بڕوانامەی دبلۆمی لە کۆمەڵایەتی بەدەستهێناوە. لەساڵی ٢٠٠٣ەوە دەستی بە کاری میدیایی کردووە. ٢٠٠٥ بۆ ٢٠١١ پەیامنێری کەناڵی ئاسمانیی کوردسات بووە لە شارەزوور و هەڵەبجە و هەورامان. لە ساڵی ٢٠٠٦ چووەتە ڕادوێی دەنگی نوێ. وەک بێژەر و پێشکەشکار، چەندین فیستیڤاڵ و بۆنەی گرنگی بەڕێوەبردووە. لەوانە فیستیڤاڵی یادی کیمیاباران و هەنار و نەورۆز و مەرگەساتی شەنگال. بەشداریی شانۆیی مەملەکەتی ئاشوبی کردووە. دەیان خەڵات و ڕێزلێنانی پێبەخشراوە. لەوانە: بڕوانامەی نێودەوڵەتیی ڕۆژنامەوانی ژنان ڕێکخراوی تاژی ئەڵمانی ٢٠٢٢، ئەنجومەنی باڵای خانمان، پلەی سێیەمی لە فیستیڤاڵی دەنگەکانمان بۆ پرسەکانی ژنان ساڵی ٢٠١٢ لەسەر ئاستی عێراق بەدەستهێناوە. لە ئێستادا خوێندکاری قۆناغی دووەمە لە بەشی ڕاگەیاندنی زانکۆی هەڵەبجە و ئامادەکار و سەرپەرشتیار و پێشکەشکاری بەرنامەکانی ڕادوێی دەنگی نوێیە.
سەرچاوەکان:
- چاوپێکەوتنی ئامادەکار لەگەڵ (ڕەنگین سەلام مەحموود)، لە ٥ی ٤ی ٢٠٢٣.
ئامادەکردنی: هومایون ساحیب کەریم