موختارەکانی گوندی کێلەسپی
دواین نوێکردنەوە: 2026-04-08
١- خەلیفە حەمەئەمین: موختاری گوندی (کێلەسپی)ی سەر بە شارۆچکەی (سیروان)ـە. مێژووی لەدایکبوون و مردنی نەزانراوە، بەڵام بە مەزەندە له نێوان (١٨٨٠ بۆ ١٩٤٠) ژیاوە. دووجار ژیانی هاوسەریی پێکهێناوە.
٢- ئەحمەد حەسەن سۆفی قادر: موختاری گوندی (کێلەسپی)ی سەر بە شارۆچکەی (سیروان)ـە. ناوی (ئەحمەد حەسەن سۆفی قادر)ە. ساڵی ١٩٠٥ لە گوندی (کەوتە)ی ناوچەی نەورۆڵی لەدایکبووە. ژیانی هاوسەریی پێکهێناوە و خاوەنی سێ منداڵە. لەنێوان کێلەسپی و کەوتەدا کۆچیان هەبووە و دواتر لە گوندی کێلەسپی جێگیربوون. لەدوای (خەلیفە حەمەئەمین) بووە بە موختاری گوندی (کێلەسپی) دەستنیشانکراوە. ساڵی ١٩٥٤ کۆچیدواییکردووە.
٣- موحەممەد ئەحمەد حەسەن: ناوی (محەممەد ئەحمەد حەسەنە) بە (کوێخا محەممەدی کێلەسپی) ناسراوە. ساڵی ١٩٣٠ لە گوندی کێلەسپی لەدایکبووە. ژیانی هاوسەریی پێکهێناوە و خاوەنی هەشت منداڵە. ساڵی ١٩٦٦ تا ساڵی ١٩٨٨ و دوای ڕاپەڕینی ساڵی ١٩٩١ دووبارە موختاری (کێلەسپی) بووە. ساڵی ٢٠٠٦ کۆچیدواییکردووە و لە گۆڕستانی گوڵانی شاری هەڵەبجە بەخاکسپێرراوە.
سەرچاوەکان:
- چاوپێکەوتنی ئامادەکار لەگەڵ (ئەنوەر کوێخا موحەممەد)، لەدایکبوو: ١٩٦٦، بڕوانامە: ئامادەیی، پیشە: فەرمانبەر٢٠ی ١٢ی ٢٠٢٣، لە سیروان.
- چاوپێکەوتنی ئامادەکار لەگەڵ (جەمال عوسمان ئەحمەد)، لەدایکبوو: ١٩٧٢، بڕوانامە: بەکالۆریۆس، پیشە: فەرمانبەر، ١٨ی ١٢ی ٢٠٢٣، لە سیروان.
- چاوپێکەوتنی ئامادەکار لەگەڵ (ئومێد کوێخا موحەممەد)، لەدایکبوو: ١٩٧٤، بڕوانامە: ناوەندی، پیشە: کاسب، لە ١٨ی ١٢ی ٢٠٢٣، لە سیروان.
ئامادەکردنی: یونس مەحموود ئەحمەد