حسێن عەلی زەڵمی
دواین نوێکردنەوە: 2026-04-14
ناوی (حسێن عەلی عەبدوڵا)یە و بە (حسێن عەلی زەڵمی) ناسراوه. ساڵی ١٩٦٩ لە گوندی (زەڵم)ی سەر بە شارۆچکەی خورماڵ لەدایکبووە. قۆناغی سەرەتایی و ناوەندی لە گوندی زەڵم، خورماڵ و سیروان و عەربەت و ئامادەیی لە هەڵەبجە تەواوکردووە. تا قۆناغی دوو لەکۆلێجی زانستە ئیسلامییەکانی لە زانکۆی بەغداد خوێندووە و وازی هێناوه. ساڵی ٢٠٠٨ کۆلێجی یاسا و ساڵی ٢٠٢٢ کۆلێجی زانستە ئیسلامییەکانی تەواوکردووه. ساڵی ١٩٩٧ تا ١٩٩٨ بەڕێوبەری ناحیەی خورماڵ بووە. دواتریش و لە کاتی جیاوازدا بەڕێوبەری ناحیەکانی: پێباز، ئاوەسپی، قۆرەتو، مەیدان باوەخۆشێن، وارماوا بووە. ژیانی هاوسەریی پێکهێناوە و خاوەنی سێ منداڵه. لە قایمقامێتی قەزای شارەزوور دەوام دەکات.
سەرچاوەکان:
- خورماڵ لێکۆڵینەوەیەکی سۆسیۆئەنسرۆپۆلۆجی، ئیبراهیم حاجی زەڵمی، چاپی یەکەم، چاپخانەی سیما، سلێمانی، ٢٠٠٨، ل١٢.
- گفتوگۆی ئامادەکار لەگەڵ (حسێن عەلی محمد)، لە ١٥ی ٤ی ٢٠٢٤.
ئامادەکردنی: سەرچڵ یونس عبدالکریم