باخەکانی سنوری گوندی
دواین نوێکردنەوە: 2026-04-08
١- دۆڵ هەنجیر: باخێکە کەوتووەتە ناو دۆڵێک لەچیای ڕوتاواکە لە باشوری خۆرهەڵاتی گوندی هاوار.
٢- شاوەیس: چەند باخێکن لە باشوری گوندی هاوار، کە لە جۆگەی بنەوانی گوێزە گەڵوازەوە ئاودێریدەکرێن.
٣- گوێزە سەوز: چەند باخێکن لە دواوانی گوندی (هاوار)، کە باخەکانی بە ئاوی کانی ئاو دەدرێن و سەرچاوەی کانییەکەیان بە کانیە چێیگ (واتە: سارد) ناودەبرێت.
٣- هەڵوژێ: چەند باخێکی دارگوێزن لە باکوری گوندی هاوار بە کانی هەلوژێ ئاودێریدەکرێن.
٤- نۆمدەرە: چەند باخێکی دارگوێزن لە باکوری گوندی (هاوار)، کە با ئاوی کانی باخەکان ئاودێریدەکرێن.
٥- گوێزە کوێر: چەند باخێکن لە باکوری گوندی (هاوار) لە کانی و ئەستیلکی گوێزە کوێر و ئاوی کانی با ئاودێریدەکرێن.
٦- قەڵەنەری: چەندین باخن لە باشوری گوندی هاوار، کە لە شاجۆگەی ئاشیەوە ئاودێریدەکرێن و دەکەونە خوارووی مەزاری میر ئەسکەندەری خامۆشەوە.
٧- سۆڵە: چەند باخێکن لە خۆرهەڵاتی گوندی هاوار. لە جۆگەی سۆڵە و لە بنەوانی مەجیدەوە ئاودێریدەکرێن.
٨- سایان: کۆمەڵێک باخ دەگرێتەوە لە ڕۆژهەڵاتی گوندی هاوار، لە بنەوانی سایان ئاودێریدەکرێن.
٩- سۆڵەی ژووروو: چەند باخێک دەگرێتەوە لە باکوری گوندی هاوار. زیاتر باخەکان لە بەشی خۆرەتاون و لە بنەوانی سۆڵە ئاودێریدەکرێن.
١٠- بەردۆل: کەوتووەتە باکوری گوندی هاوار لەناو دۆڵێک هەڵکەوتووە، کە کانیی سەربەخۆی هەیە و زۆربەی دارەکانی گوێزن.
سەرچاوەکان:
- چاوپێکەوتنی ئامادەکار لەگەڵ (ڕەمەزان همیرخان شاکەرەم)، لەدایکبوو: ١٩٥٠، ئاستی خوێندن: سەرەتایی، پیشە: خانەنشین، لە ٢٨ی ٢ی ٢٠٢٤، لە هەڵەبجە.
- چاوپێکەوتنی ئامادەکار لەگەڵ (ئازاد فایق ساڵح)، لەدایکبوو: ١٩٦٤، ئاستی خوێندن: ناوەندی، پیشە: خانەنشین، لە ٢٢ی ٢ی ٢٠٢٤، لە هاوار.
- چاوپێکەوتنی ئامادەکار لەگەڵ (خەزان تۆفیق بارام)، لەدایکبوو: ١٩٤٧، پیشە: جەڕاح، لە ٢٧ی ٢ی ٢٠٢٤، لە هەڵەبجە.
ئامادەکردنی: ئاکۆ شاوەیس هاواری