ئەو ئامێر و کەرەستانەی بۆ یەکەمجار هێنراوەتە شارەدێی تەوێڵەوە
دواین نوێکردنەوە: 2026-04-08
١- گرامافۆن: ساڵی ١٩٣٧ هێنراوە. هەندێک دەیگەڕێننەوە بۆ هونەرمەند (حسێنی لاوە) و هەندێکی تریش لایانوایە (حاجی حەسەن حەمەحسێن) هێناویەتی.
٢- ڕادیۆ: مەعارف ساڵی ١٩٤٥ ناردوویەتی بۆ قوتابخانی تەوێڵەی سەرەتایی. باترییەکەی بە ماتۆڕەکەی هونەرمەند (کەریم کابان) شەحنکراوەتەوە، کە ئەو کات لە تەوێڵە پۆلیس بووە.
٣- فانۆس: ساڵی ١٩٢٧ (حاجی حەسەن حەمەحسێن) هێناویەتی.
٤- ئۆتۆمبێلی بار: ساڵی ١٩٥٦ هاتووە.
٥- چرای لەمپا: (ئەکرەم حسێن) هێناویەتی. چرای دیوارکۆ: (جافری ئەکرەم و محەممەدی وەستا حەمەڕەحیم) هێناویانە.
٦- لۆکس: (حاجی قادری حەماییز) هێناویەتی.
٧- تۆمارکەر (تەسجیل): ساڵی ١٩٦٠ (سەید جافر و تاهيری کاکە) هێناویانە.
٨- تەلەفزیۆن: ساڵی ١٩٧٦ (عوسمان سۆفی حەمەکەریم) هەیبووە.
٩- سەتەلایت: ساڵی ١٩٩٨ (سامی سەید جافر) هەیبووە.
سەرچاوەکان:
- سەربوردێکی هەورامان و سەردانێکی تەوێڵە، عبدالرزاق عبدالرحمن محمد، چاپی یەکەم، تاران، ٢٠٠٥، ل٤١٣.
- سرووتەدینی و کۆمەڵایەتییەکانی خەڵکی هەورامان، ئەیوب ڕۆستەم، چاپی یەکەم، ٢٠٠٧، ل١٦٤.
ئامادەکردنی: هومایون ساحیب کەریم