سوڵتان ئیسحاقی بەرزنجی
دواین نوێکردنەوە: 2026-04-14
نەزرگەی سوڵتانی (ساق) یان (سوڵتان ئیسحاق)ـه، کە بەزرترین پایەی ئایینیی کاکەیی هەبووە. ئایینەکە لەسەردەستی ئەم ڕێکخراوەتەوە. هاتوەتە گوندی هاوار و لە چەندین شوێن مەنزڵگای هەبووە. لەوانە (شای سەرتلی)، کە لەسەر بەردێکی بەرزی گەورەیە و بەسەر هەموو بەشەکانی گوندی هاواردا دەڕوانێت. (نەزەرگەی چەمەکەری)، کەوتووەتە چەمی شنروێ لە خۆرئاوای هاوار، نزیک بە کانییەک، کە ئاوێکی پاک و سازگاری هەیە. (شای چادرگە) کەوتووەتە لوتکەی بەفری میری لە چیای شنروێ لە باشوری گوندی هاوار. (نیشان کرد)، کە جێپێی سوڵتان ئیسحاقە لەسەر گاشە بەردێک و ئەمڕۆ نەزەرگایەکی بۆ دروستکراوە.
سەرچاوەکان:
- چاوپێکەوتنی ئامادەکار لەگەڵ (هۆشەنگ مارف عارف)ی لەدایکبوو: ١٩٧٥، بڕوانامە: دبلۆمی باڵا، مامۆستا، لە ١٥ی ١١ی ٢٠٢٢.
- چاوپێکەوتنی ئامادەکار لەگەڵ (ئاکۆ شاوەیس مەجید)ی لەدایکبوو: ١٩٧٠، بڕوانامە: بەکالۆریۆس، سەرپەرشتیاری پەروەردەیی، لە ١٥ی ١١ی ٢٠٢٢.
ئامادەکردنی: کارزان عەدنان حەمەسەعید