چلەخانەی بابا غەیبوڵڵا
دواین نوێکردنەوە: 2026-04-14
بابا غەیبوڵڵا ناوی (سەید عەبدوڵڵا)یە. پیاوچاک و خواناس بووە. ٨٠٠ ساڵ پێش ئێستا ژیاوە و حوجرەی هەبووە، خەڵکی فێری دین و زانست و ژمارەکان کردوە. بابا غەیبوڵڵا لەنەوەی باباناوسە، کە پێشر لەو گوندەدا ژیاوە. چلەخانەکە کەوتووەتە گوندی (سەرگەت) لە ناوچەی هەورامان. مەزاری بابا غەیبوڵڵا کەوتووەتە بەردەم گوندە کۆنەکە، چلەخانەکەش کەوتووەتە ناو ئەو شوراییەی، کە بە بەرد بۆ گۆڕەکەی ناوبراو دروستکراوە. چلەخانەکە لە ژێر بەردێکدایە لە شێوەی ئەشکەوت، کە بەردەکه (١٠ بە ١٢م) و چلەخانەکەش دوو بە سێ مەتر دەبێت. پانیی دەرگای ئەشکەوتەکە نیومەتر و بەرزییەکەی یەک مەترە. ناوبراو، کە پیاوچاک و لەخوا ترس بووە، لەو ئەشکەوتە بچوکەدا عەیبادەتی کردووە.
سەرچاوەکان:
- چاوپێکەوتنى ئامادەکار لەگەڵ (زەینەدین ساحیب محەممەد) لەدایکبوو: ١٩٥٣، بڕوانامە: ئامادەیی، پیشە: خانەنشین، لە ٢٥ی ٧ی ٢٠٢٣، لە سەرگەت.
- چاوپێکەوتنى ئامادەکار لەگەڵ (سدیق حەمەساڵح عوبەید)، لەدایکبوو: ١٩٦٤، بڕوانامە: ئامادەیی، پیشە: خانەنشین، لە ٣٠ی ٧ی ٢٠٢٣، لە سەرگەت.
- سەردانى مەیدانى ئامادەکار بۆ شوێنەکە، لە ٢٥ی ٧ی ٢٠٢٣.
ئامادەکردنی: سەلام هانەدنی