تکەکە
دواین نوێکردنەوە: 2026-04-11
پەناگەیەکە لە شێوەی ئەشکەوتێکی سروشتی لەناو تاوێرە بەردێک لە چیا. کەوتووەتە(بانی سوورەسێ: بانی زەڵم). بەشێوەیەکە لە کۆتایی بەشی باکوری بانەکە و لەسەر ڕێگەی سەرەکیی دەروازەی ( مڵەخورد - خورماڵ)ـە. لە پشتەوەی گوندی (زەڵم) سەربە شارۆچکەی (خورماڵ)ـە. ڕووبەرەکەی نزیکەی سێ مەتر دووجایە. شوێنی مانەوەی چوار تا پێنج کەسی تێدا دەبێتەوە. ناوەکەی لەوەوە هاتووە، کە لە ئەشکەوتەکەدا (ئاو) بەشێوەی (تک تک - دڵۆپ دڵۆپ) دێتە خوارەوە و دەدات لەبەردی ناو ئەشکەوتەکە لە (دەروازەی مڵەخورد)ەوە، کە (٥٠٠م) لەسەروی ئەم ئەشکەوتەکەوەیە، هاتوچۆیەکی زۆر لەسەر ئەو ڕێگایەکراوە، بەتایبەت لەڕووی ئەوەی، کە ئەو ناوچەیەی ئەشکەوتەکەی تێدایە، ناوچەیەکی تەختایی و کراوە و فراوان و ئارامە و ترسی دزوو جەردە و ڕێگری لێنەبووە. هەروەها لەکاتی ئێستاشدا ساڵانە بەشێک لە خەڵکی ناوچەکە لەوەرزی بەهاراندا بۆ گەشت و سەیران و گیا بەهارییەکان ڕووی تێدەکەن.
سەرچاوەکان:
- سەردانی مەیدانیی ئامادەکار بۆ شوێنەکە، لە ٢٩ی ٣ی ٢٠١٨.
- چاوپێکەوتنی ئامادەکار لەگەڵ (زەینەدین عەبدولقادر عەبدوڵڵا هانەقوڵی)، پیشە: خانەنشین، لە ١٣ی ٢ی ٢٠٢٣.
- چاوپێکەوتن لەگەڵ بەرێز(عەبدوڵڵا لەتیف حەمەساڵح هانەقوڵی)، لەدایکبوو: ١٩٧١، پیشە: خانەنشین، لە ٢١ی ٢ی ٢٠٢٣، لە خورماڵ.
ئامادەکردنی: یوسف باقی عەبدولقادر