سەربەستی
دواین نوێکردنەوە: 2026-04-09
یەکەم کتێبخانەیە لە هەڵەبجە. ساڵی ١٩٥٧ بۆ ١٩٥٨ لەلایەن (ئيبراهیمی سۆفی مەحموود)ی ناسراو بە (ئەبوتارا)، کە یەکەم کتێبخانەی سەربەخۆیە لە هەڵەبجە کرابێتەوە. نزیک دوکانی (عومەری حەمەساڵح بانەیی ڕەسام) و (ئیبراهمی ڕەسام) بووە. وەک لقی کتێبخانەی (گەلاوێژ) وابووە و جگە لە گۆڤاری گەلاوێژ، ڕۆژنامەکانی (زەمان)، (ئەهالی) و موختارات و کتێبی ئەدەبیی میسری و چەندین کتێبی تری تێدا بووە. خاوەنی کتێبخانەکە ئەم بڵاوکراوانەی لە سلێمانییەوە و لە (محەممەد زێوەر و ڕەئوف مەعروف) وەرگرتووە و هێناویەتییەوە بۆ هەڵەبجە. نزیکەی دوو ساڵ بەردەوامبووە، ساڵی ١٩٥٨ داخراوە.
سەرچاوەکان:
- هەڵەبجە یادەوەریی و شارستانێتی، محەممەد غەفور شەریف، چاپی یەکەم، چاپخانەی کارۆ، سلێمانی، ٢٠٢٢، ل١٧٦.
ئامادەکردنی: ڕێبوار حەمەتۆفیق