گەشەپێدانی چالاکی لاوان (Y.A.D.C) ئۆفیسی خورماڵ
دواین نوێکردنەوە: 2026-04-07
ڕێکخراوێکی ناحکومییە. سەر بە (سەنتەری گەشەپێدانی چالاکی لاوان)ـە. لە ١٤ی ١ی ٢٠٠٤ لە شارۆچکەی خورماڵ کراوەتەوە. سەرەتا دوازدە کارگێڕیی خۆبەخش کاریان تێداکردووە و پاشان بە بڕیاری ئۆفیسی گشتی بۆ دروستکردنی هەیکەلی ئیداری، هەڵبژاردنی بۆ کراوە و (ناسح کەمال) بووەتە یەکەمین بەڕێوبەری هەڵبژێردراوی ڕێکخراوەکە. لە بەشەکانی: کارگێڕی، ڕۆشنبیری، ڕاگەیاند، ڕاپرسی، خولەکان، ئیدارە، هونەری، وەرزش، چالاکییەکان پێکهاتووە. ساڵی ٢٠١٨ بە هۆکاری قەیرانی دارایی بڕیاری داخستنی دراوە.
سەرچاوەکان:
- ئەرشیفی بەشێک لە چالاکیەکانی سەنتەری گەشەپێدانی چالاکی لاوان، ئۆفیسی خورماڵ.
- چاوپێکەوتنی ئامادەکار لەگەڵ (ڕاستگۆ خەلیل عەزیز)، لەدایکبوو: ١٩٧٩، بروانامە: بەکالۆریۆس، پیشە: مامۆستا، لە ١٤ی ٦ی ٢٠٢٤، لە خورماڵ.
- چاوپێکەوتنی ئامادەکار لەگەڵ (سامان کەریم غەفوور)، لەدایکبوو: ١٩٨٤، بڕوانامە: دبلۆم، پیشە: فەرمانبەر، لە ٢٣ی ٣ی ٢٠٢٤، لە هەڵەبجە.
ئامادەکردنی: هومایون ساحیب کەریم