جەڕاحەکانی گوندی
دواین نوێکردنەوە: 2026-04-14
١- حەمە عەزیز عەبدولکەریم فەقێ عەلی: ساڵی ١٩٤٠ لە گوندی (گریانە) لەدایکبووە. کوڕی پزیشک و مامانی بەناوبانگ مەلاژن ڕەعنا بووە. لە بەر خۆشەویستی و خزمەتەکانی بە گوندی گریانە، بە مامۆ حەماییز ناسراوە. یەکەم کەس بووە پیشەی جەراحی لە گریانەدا دەستپێکردووە. ساڵی ٢٠٠٤ لە هەڵەبجە کۆچیدواییکردووە.
٢- حەمەمین هەواس ڕەحمان: ساڵی ١٩٢٢ لە گوندی (گریانە) لەدایکبووە. بێجگە لەگرتنەوەی شکاوی و لە جێچوونی دەست و قاچی مرۆڤ، شکاویی ئاژەڵەکانیشی چارەسەرکردووە و تفەنگچییەکی باش و وەستایەکی باشی بنێشتکاریش بووە. ساڵی ١٩٨٣ لە شاری هەڵەبجە کۆچیدواییکردووە.
سەرچاوەکان:
- گوندی گریانە لە نێوان دوێنی و ئەمڕۆدا، وەزگێڵ نوری حمەعەلی، چاپی یەکەم، چاپخانەی پیرەمێرد، هەڵەبجە، ٢٠١٦، ل٥٨ و ٦٤.
- چاوپێکەوتنی تیمی مەیدانی لەگەڵ (فازیل حەمەئەمین ڕەحمان)، لەدایکبوو: ١٩٥٣، ئاستی خوێندن: سەرەتایی، پیشە: خانەنشین، لە ٣٠ی ٥ی ٢٠٢٤، لە هەڵەبجە.
- چاوپێکەوتنی تیمی مەیدانی لەگەڵ (عیزەت حەمەسەعید حسێن)، لە دایکبوو: ١٩٥٧، ئاستی خوێندن: سەرەتایی، پیشە: خانەنشین، لە ٣٠ی ٥ی ٢٠٢٤، لە هەڵەبجە.
- چاوپێکەوتنی تیمی مەیدانی لەگەڵ (نەجمەدین حەمەعەلی قوربانی)، لەدایکبوو: ١٩٥٢، پیشە: خانەنشین، لە ٣٠ی ٥ی ٢٠٢٤، لە هەڵەبجە.
- چاوپێکەوتنی تیمی مەیدانی لەگەڵ (محەممەد حەمەکەریم ڕەزا)، لەدایکبوو: ١٩٦٨، ئاستی خوێندن: سەرەتایی، پیشە: فەرمانبەر، لە ٣٠ی ٥ی ٢٠٢٤، لە هەڵەبجە.
ئامادەکردنی: تیمی مەیدانی/ گوندی گریانە