خوسرەو جاف
دواین نوێکردنەوە: 2026-04-08
پەیکەرساز و شێوەکار و نووسەر و پەرلەمانتارە. ساڵی ١٩٤٥ لە کەلاری کۆن لەدایکبووە. لە کەلار و خانەقین و بەغدا خویندوویەتی. لە تاران ماستەری لە ئەندازیاری تەلارسازی وەرگرتووە. چەند بڕوانامەی فەخری لە زانکۆکانی دەرەوەی عێراق پێبەخشراوە. پارێزەری دەیان سەرچاوەو دەستنووس و بەڵگەیە، کە خۆی دەستیخستوون و کۆی کردوونەتەوە. سەدان بەرهەمی لە کتێب و پەیکەری هەیە. کە هەندێک لە بەرهەمەکانی پەیوەندیان بە هەڵەبجەوە هەیە. لەوانە: (مێژووی هۆزی جاف، پاشایان کوشت). هەروەها پەیکەری (سیمبۆلی هەڵەبجە) کە لە پێنج بۆمب دروستیکردووە و لە دەستەچەپی دەروازەی مۆنۆمێنتيێ هەڵەبجە دانراوە. خێزاندارەو لە هەولێر نیشتەجێیە.
سەرچاوەکان:
- بەرنامەی پەنجەمۆر، ڕووداو. ٢٠ی ٥ی ٢٠٢١ لەگەڵ خەسرەو جاف.
- چەناڵ ٨، دیداری ئەزموون، لە گەڵ خوسرەو جاف ١٠ی٧ی٢٠٢٤
ئامادەکردنی: هومایون ساحیب کەریم