سۆران خورماڵی
دواین نوێکردنەوە: 2026-04-07
شاعیر، ڕۆژنامەوان و شانۆکار و ژەنیارە. ناوی (سۆران حەمەڕەشید ئەحمەد)ە و بە (سۆران خورماڵی) ناسراوە. ساڵی ١٩٧١ له شارۆچکەی (خورماڵ) لەدایکبووە. قۆناغی ئامادەیی تەواوکردووە. کاتێک قوتابی بووە لە(سلێمان)ی، بە ئامێری گیتار و فلامینگۆ لە فیستیڤاڵی ساڵانەی قوتابخانەکان بەشداریکردووە و لەسەر ئاستی (عێراق) چەند جارێک ڕێزلێنانی وەرگرتووە. وەک ڕۆژنامەوان لە پاش ڕاپەڕین لەگەڵ چەند کەسێکی تردا ڕۆژنامەی (خورماڵ)یان دەرکردووەتەوە. سەرنوسەری ڕۆژنامەی (خورماڵی نوێ) بووە. ساڵی ١٩٩٣ یەکەم دیوانی شیعری بەناوی (ئەلف) چاپکردووە. بەشداری فلیمی (مەرگی ئەرخەوانی) کردووە. لە ئێستادا لە وڵاتى سوید نیشتەجێیە. ژیانی هاوسەریی پێکهێناوە و خاوەنی دوو منداڵه.
سەرچاوەکان:
- گفتوگۆی تیمی مەیدانی لەگەڵ (سۆران حەمەڕەشید ئەحمەد)، لە ١٨ی ٦ی ٢٠٢٤.
ئامادەکردنی: تیمی مەیدانی / شارۆچکەی خورماڵ