ئەنجومەنەکانی گوندی شیرەمەڕ
دواین نوێکردنەوە: 2026-04-15
١- ساڵح فەرەج قادر: ساڵی ١٩٦٤ لەدایکبووە. دووجار ژیانی هاوسەریی پێکهێناوە و خاوەنی شەش منداڵە. قۆناغی ئامادەیی پیشەسازی لە هەڵەبجه تەواوکردووە. لە ئێستادا مامۆستایه. ساڵی ١٩٩٢ تا ١٩٩٤ بە هاوبەشی لەگەڵ (عەزیز فەتاح ڕەحمان و بورهان عەبدوڵا محەممەد) بە هەڵبژاردن بوونەتە ئەنجومەنی گوندەکە.
٢- عەزیز فەتاح ڕەحمان: ساڵی ١٩٦٥ لەدایکبووە. ژیانی هاوسەریی پێکهێناوە و خاوەنی پێنج منداڵە. قۆناغی ئامادەیی پیشەسازی لە هەڵەبجه تەواوکردووە. ساڵی ١٩٩٢ تا ١٩٩٤ بە هاوبەشی لەگەڵ (ساڵح فەرەج قادر ڕەحمان و بورهان عەبدوڵا محەممەد) بە هەڵبژاردن بوونەتە ئەنجومەنی گوندەکه.
٣- بورهان عەبدوڵا محەممەد: ساڵی ١٩٦٥ لەدایکبووە. ژیانی هاوسەریی پێکهێناوە و خاوەنی هەشت منداڵە. قۆناغی ئامادەیی پیشەسازی لە هەڵەبجه تەواوکردووە. پیشەی فەرمانبەرە لە پەروەردە. ساڵی ١٩٩٢ تا ١٩٩٤ بە هاوبەشی لەگەڵ (ساڵح فەرەج قادر ڕەحمان و عەزیز فەتاح ڕەحمان) بە هەڵبژاردن بوونەتە ئەنجومەنی گوندەکه. ساڵی ٢٠١١ کۆچیدواییکردووە.
٤- بورهان عەبدوڵا محەممەد: دووبارە ساڵی ١٩٩٤ لەگەڵ (عەزیز ئەحمەد براخاس و عەلی ئەمین عەلی) بە هاوبەشی ئەنجومەنی گوندە بوون. ساڵی ٢٠٠١ وازی لە ئەنجومەنی هێناوە. ساڵی ٢٠١٠ کۆچیدواییکردووە.
٥- عەلی ئەمین عەلی: ساڵی ١٩٤٨ لەدایکبووە. ژیانی هاوسەریی پێکهێناوە و خاوەنی پێنج منداڵە. پیشەی جوتیار بووە. ساڵی ٢٠١٨ کۆچیدواییکردووە. ساڵی ١٩٩٤ لەگەڵ (عەزیز ئەحمەد براخاس و بورهان عەبدوڵا محەممەد) بە هاوبەشی ئەنجومەنی گوند بوون. تا ٢٠٠٣ ئەنجومەنی گوندەکە بووە.
٦- عەزیز ئەحمەد براخاس: ساڵی ١٩٦٧ لەدایکبووە. ژیانی هاوسەریی پێکهێناوە و خاوەنی شەش منداڵە. قۆناغی ئامادەیی پیشەسازی لە هەڵەبجه تەواوکردووە. پیشەی فەرمانبەری پەروەردەیە. ساڵی ١٩٩٤ لەگەڵ (عەلی ئەمین عەلی و بورهان عەبدوڵا محەممەد) بە هاوبەشی ئەنجومەنی گوند بوون. ساڵی ١٩٩٦ وازی لە ئەنجومەنی هێناوە.
٧- نوری عەلی ئەمین: ساڵی ١٩٧١ لەدایکبووە. ژیانی هاوسەریی پێکهێناوە و خاوەنی چوار منداڵە. تا قۆناغی سەرەتایی خوێندووە. لە کارەبای خورماڵ پیشەی فەرمانبەره. لە ساڵی ٢٠٠٣وە تا ئێستا ئەنجومەنی گوندەکەیە.
سەرچاوەکان:
- گفتوگۆی ئامادەکار لەگەڵ (ساڵح فەرەج قادر). لەدایکبوو: ١٩٦٤، بڕوانامە: ئامادەیی، پیشە: مامۆستا، لە ١٢ی ١٠ی ٢٠٢٣ .
- چاوپێکەوتنی ئامادەکار لەگەڵ (عەزیز ئەحمەد براخاس)، لە ١٩ی ١١ی ٢٠٢٣، لە شیرەمەڕ.
- چاوپێکەوتنی ئامادەکار لەگەڵ (نوری عەلی ئەمین)، لە ١٢ی ٣ی ٢٠٢٤، لە شیرەمەڕ.
ئامادەکردنی: سەرچڵ یونس