هۆزی جاف لە ماوەی ساڵانی ماستەرنامە
دواین نوێکردنەوە: 2026-04-08
لێکۆڵینەوەی توێژەر (غەمگین عەبدوڵا قادر) ە. ساڵی ٢٠١٦ پێشکەشی بەشی مێژووی کۆلێژی ئەدەبیاتی زانکۆی سەڵاحەدینی کردووە. هۆزی گەورەی کۆچەری جاف وەک یەکەیەکی سیاسی و کۆمەڵایەتی و تایبەتمەندی و خاسیەتی تواناو بەهێزی جەنگاوەری لە پێکهاتەی کورددا لە هۆزەکانی تری جیادەکاتەوە، بارودۆخی سیاسی و نائارامی جوانڕۆ و خراپ مامەڵەکردنی میرەکانی ئەردەڵان هۆزەکەی ڕووبەڕووی دابەشبوون کردووەتەوە، پێگەو هەڵکەوتەی گرنگی جوگرافی و ڕووبەری هاتوچۆکردنیان و هەوارگەکانیان وایکردووە ڕۆڵی گرنگ بگێڕن لە ململانێی عوسمانی و دەوڵەتی ئێران. سەرکردەو سەرۆکی بەهێزیان هەبووە بۆ سەرکردایەتی وەکو حەمەپاشای جاف. بەڵام لە کۆتایی تەمەنیدا نەیتوانیوە بارودۆخی ناوچەکە هەڵسەنگێنی و درووست مامەڵە بکات. سەردەمی مەحموود پاشا بە سەرەتای هەڵوەشاندنەوەی سەرکردایەتی هۆز دادەنرێت چوونکە لەو کاتەدا سەرکردایەتی جافی مرادی بەسەر سێ بەگزادەدا دابەشبوو، ئەمەش بە هۆی نیشتەجێبوونی هۆزەکەو کاڵبوونەوەی دەسەڵانیان.
ئامادەکردنی: هومایون ساحیب کەریم