کاریگەری چەکی کیمیایی

یەکەم لێکۆڵینەوەیە لەسەر ئاستی دەروەی عێراق سەبارەت بە کاریگەریی درێژخایەنی چەکە کیمیاییەکانی هەڵەبجە ئەنجامدرابێت. پاش ١٠ ساڵ لە کارەساتی هەڵەبجە و لە ساڵی ١٩٩٨ لەلایەن ژنە پڕۆفیسۆری بۆماوەزانی دکتۆر کریستین گۆزدن لەزانکۆی لیڤەرپولی بەریتانی ئەنجامدراوە. بیرۆکەی پڕۆژەکە لە لایەن پەیمانگای کوردییەوە لە واشتنتۆن دروستبووە. پاش نماییشی فیلمەکەی گوین ڕۆبەرت و بڵاوکردنەوەی و لێکۆڵینەوەیەکی زانستیی لە لایەن (د. عادل کەریم فەتاح)ی بەڕێوەبەری نەخۆشخانەی هەڵەبجه ‌و فوئاد بابان و کریستن گۆدزنەوە. بوویە پرۆژەی ڕووپێوکردنی کوردستان. دوای پشکنین لە سەر ٧٠٠ کەسی بەرکەوتوو، ئاماژە بە جۆری چەکە بەکارهاتووەکان کراوە. لە ئەنجامدا دەرکەوتووە زۆرێک لە بەرکەوتوان تووشی کوێری و نەخۆشیی پێست بوون. ٥٠٠ لە نەخۆشەکان ئاگادارکراونەتەوە، کە لە مەترسیدان. هەندێک لەو گازانە کاری لە D.N.A خانەکان کردووە و بووەتە هۆکاری تێکچوونە بۆ ماوەییەکان لە باوانەوە بۆ وەچەکان و کاری گەورەی لەسەر بەرزبوونەوەی ڕێژەی لەبارچوونی منداڵ هەبووە.