خێو و دێو
دواین نوێکردنەوە: 2026-04-09
گیانلەبەرێکی دروستکراوی خەیاڵ و باوەڕی خەڵکی ناوچەکەیە. باوەڕ وابووه، کە لە کانی و سەرچاوەی ئاو، جۆگە و ئەشکەوتەکان هەن. بۆیە کەم کەس توانیویەتی بە تاریکی و بە شەودا بچێتە ئەو شوێنانه. ژمارەیەک لە سەرچاوەی ئاو و کانی بەناوی دێوەوە لە سنوری پارێزگای هەڵەبجەدا هەن. بۆ خۆپارێزی لە خێو و دێو، ئایەی کورسی و کۆمەڵێک نزا خوێندراوە، هەتا مرۆڤ لەو بوونەوەرانە پارێزراوبن و لە شەڕ و ترسی ڕزگاری ببێت.
سەرچاوەکان:
- هەڵەبجە لە ئامێزی مێژوودا، میتۆلۆژیا- کەلتور، حەکیم مەلا ساڵح، بەرگی سێیەم، لە بڵاوکراوەکانی بەڕێوەبەرایەتی یادگاری هەڵەبجە، چاپخانە؟ ساڵی چاپ ٢٠١١ل ١١.
- گفتوگۆی ئامادەکار لەگەڵ (حەیدەر مەجید فەتاح "حەیدەرە سوور")، لەدایکبوو: ١٩٦٢، بڕوانامە: ئامادەیی، پیشە: بەڕێوەبەری چاکسازیی کارەبای تەوێڵە، لە ٢ی ٢ی ٢٠٢٤، لە هەڵەبجە.
ئامادەکردنی: هومایون ساحیب کەریم