خۆشاو
دواین نوێکردنەوە: 2026-04-08
خورادنێکی میللی و بەربڵاوی ناوچەی هەورامانە. زیاتر لە وەرزی زستاندا ئامادەدەکرێت و وەک شەوچەرە دادەنرێت. بووەتە کینایە بۆ شتی زۆرخۆش و بەچێژ. لە میوەی وشککراوی وەک، هەڵوژە، مێوژ، توو، لەتکەهەرمێ، لەتکە بەهێ، لەتکەسێو، قۆخی وشک دروستدەکرێت. میوەکان جگە لە(هەڵوژە و توو)ەکان، دەشۆردرێنەوە و لەنانەشان و سوزگیدا ئاوچۆڕ دەکرێن. هەڵوژەکانیش بەجیا دەکوڵێنرێن، پاشان تێکەڵ بەمیوە شۆردراوەکانی تر دەکرێن و دەکوڵێنرێنەوە. تووەکانیش بەجیا دەشۆردرێنەوە و دەگوشرێن و ئاوەکەیان دەگیرێت و تێکەڵ بە میوە کوڵێنراوەکان دەکرێت و جارێکیتر پێکەوە دەکوڵێنرێنەوە و ئاوی خۆشاوەکە بەرەو قاوەیی تاریک، یان سووری دەڕوات. تا زیاتر بکوڵێت، سوورتر دەبێت، باشتر خەستدەبێتەوە. دادەنرێت تاسارد دەبێتەوە و بە ساردی دەخورێت. پێویستی بە کابانی شارەزا هەیە.
سەرچاوەکان:
- هونەری ژیان لە هەورامانداک لێکۆلینەوەی کولتووری.ئەیوب کوێخا ڕۆستەم چاپی یەکەم،چاپخانەی کارۆ ٢٠٢١ل ٢٦٨.
- سەربوردێکی هەورامان و سەردانێکی تەوێڵە. عبدالرزاق عبدالرحمن محمد چاپی یەکەم ٢٠٠٥ تاران ل ٤٦٢.
- هەورامان ئەیوب ڕۆستەم. بەرگی یەکەم، چاپی یەکەم. ئۆفسێتی قانیع ٢٠٠٤ ل٢٦٧.
ئامادەکردنی: هومایون ساحیب کەریم