بۆین
دواین نوێکردنەوە: 2026-04-07
لە بەنەڕەتدا کانییە و کراوە بە کارێز. کەوتووەتە سەنتەری گوندی (بۆین)ـەوە. لەو کاتەی، کە جولەکە لە گوندەکەدا ژیاون، کراوەتە کارێز. بەو پێیەی، کە سەرچاوەی سەرەکیی ئاو_خواردنەوەی گوند بووە، (جافرسان) حوکمڕانی ناوچەکە لە شاری سنە لە خۆرهەڵاتی کوردستان وەستای تایبەتی بۆ هێناوە بۆ پاککردنەوەی چاوانەکانی لە ڕەگی دار و بەڵخ. لە کۆنەوە بەهۆی زۆریی ئاوەکەیەوە کراوەتە مەرەزە و توتن، بەتایبەت لە سەردەمی (داود بەگ) و هاتنی (ئینگلیزەکان)دا.
سەرچاوەکان:
- سەردانی مەیدانیی ئامادەکار (د. ڕێباز لوقمان مستەفا) بۆ شوێنەکە، لە ١٥ی ١٢ی ٢٠٢٢.
- چاوپێکەوتنی ئامادەکار (کارزان عەدنان حەمەسەعید) لەگەڵ (کەریم عەلی محەممەد)، لەدایکبوو: ١٩٤٢، پیشە: کاسب، لە ١٧ی ٣ی ٢٠٢٤.
- چاوپێکەوتنی ئامادەکار (کارزان عەدنان حەمەسەعید) لەگەڵ (خەلیل مەولود نضر)، لەدایکبوو: ١٩٦٤، بڕوانامە: ئامادەیی، پیشە: فەرمانبەر، لە ١٧ی ٣ی ٢٠٢٤.
ئامادەکردنی: کارزان عەدنان حەمەسەعید,د. ڕێباز لوقمان مستەفا