مەڕدێوەکان: مەڕدێیەکان
دواین نوێکردنەوە: 2026-04-08
دوو ئەشکەوتن. بە دووریی چوار کیلۆمەتر کەوتوونەتە خۆرئاوای گوندی (یاڵانپێ)ى سەر بە ناحیەی (خورماڵ). لەسەروویانەوە بانەکانی (بانەو مەڕێ، بانە گەورێ) هەن. مەڕدێوەکان، بە هەورامی واتە (ئەشکەوتی دێو) گوایە لە کۆندا دێو و دڕندەی تێدابووه. لەسەردەمی شۆڕشەکانی کورددا وەک پەناگەی پێشمەرگە بەکارهاتووە. (١١٨٥م) لە ئاستی ڕووی دەریاوە بەرزە. ڕێگایەکی خۆڵ لە گوندەکەوە دەڕواتە ئەشکەوتەکە و خەڵکی دێ بە تایبەتی بەهاران سەردانیدەکەن. پەناگەیەکە بۆ ئاژەڵ و باڵندە کێوییەکانی ناوچەکە و ناوبەناو ئاژەڵداران دەچنەنێوی.
سەرچاوەکان:
- چاوپێکەوتنى تیمى مەیدانى لەگەڵ (سەروەت نامیق ئەسکەندەر)ی ئەنجومەنی گوندی (یاڵانپێ)، لەدایکبوو: ١٩٦٢، ئاستی خوێندن: سەرەتایى، پیشە: فەرمانبەر، لە ٧ی ٣ی ٢٠٢٤
- چاوپێکەوتنى تیمى مەیدانى لەگەڵ (باقى عەبدوڵڵا ئامەنوڵڵا)ی ئەنجومەنی گوندی (یاڵانپێ)، لەدایکبوو: ١٩٦٠، ئاستی خوێندن: سەرەتایى، پیشە: کاسب، لە ٧ی ٣ی ٢٠٢٤.
- چاوپێکەوتنى تیمى مەیدانى لەگەڵ (عارف عەباس ساڵح)، لەدایکبوو: ١٩٥٤، پیشە: کاسب، لە ٧ی ٣ی ٢٠٢٤.
- چاوپێکەوتنی ئامادەکار (د. ڕێباز لوقمان مستەفا) لەگەڵ مامۆستا (محەممەد غەفار حەمەزەمان)، لەدایکبوو: ١٩٦٨، بڕوانامە: بەکالۆریۆس، پیشە: مامۆستا، لە ٦ی ٣ی ٢٠٢٣.
ئامادەکردنی: تیمى مەیدانى/ گوندى یاڵانپێ,د. ڕێباز لوقمان مستەفا