ئەحمەد ئەفەندی
دواین نوێکردنەوە: 2026-04-08
بەڕێوەبەری قەزای گوڵعەنبەر (خورماڵ)ـە. ساڵی ١٢٧٢ کۆچی بەرانبەر بە ١٨٥٦ زاینی سەر بە لیوای سلێمانی بووە و دوای ساڵی ١٨٦٩، کە محەممەد پاشای جاف بووە بە قایمقامی قەزای گوڵعەنبەر، هەڵەبجە بووەتە ناوەندی قەزاکە. هەتا ئەو مێژووە بەڕێوەبەر، نەک قایمقام قەزاکەی بەڕێوەبردووە. ئەحمەد ئەفەندی بەهۆی بێ_تواناییەوە لە بەڕێوەبردنی کارەکەیدا لابراوە و عەبدوڵا ئاغای عەزیز ئاغازادە، کە لە خانەدانەکانی لیوای سلێمانی و یەکێک بووە لە ئەندامانی مەجلیسی لیوای سلێمانی لەبری ئەو دانراوە، بەڵام نازانرێت هەتا کەی لەو پۆستەدا ماوەتەوە.
سەرچاوەکان:
- I_MVL_٠٠٣٥٣_٠١٥٤٣٢_٠٠١_٠٠١.
- گۆڤاری خاڵ، ژمارە (١٢)، ئابی ٢٠١٧، هەڵەبجە لە چەند بەڵگەنامەیەکی ئەرشیفی عوسمانیدا، سامان سەڵاح، ل١١٢.
- گۆڤاری (زانکۆی هەڵەبجە)، ٢٠٢٢، قەزای گوڵعەنبەر (هەڵەبجە) لە ساڵنامەکانی عوسمانیدا، کامەران عبدارزاق برایم و عادل صدیق علی، ل١٢٧-١٢٩.
ئامادەکردنی: د. عادل سدیق عەلی