مامۆستا شاهۆ
دواین نوێکردنەوە: 2026-04-08
ناوی ڕاستی (محەمەد محەمەد سەعید) بە مامۆستا شاهۆ ناسراوە. ساڵی ١٩٥٣ لە عەبابەیلێ لەدایکبووە. سەرەتایی و ناوەندی لە هەڵەبجە خوێندووە. ساڵی ١٩٧٢-١٩٧٣ ئامادەیی کشتوکاڵی بەکرەجۆی تەواو کردووەو ساڵی ١٩٧٥ لە هەڵەبجە دامەزراوە. ساڵی ١٩٧٦ پەیوەندی بە بزووتنەوەی ڕزگاریخوازی کوردەوە کردووە. دوای ڕاپەڕین چەندین پۆستی حکومی وەرگرتووە. لەوانە: جێگری بەڕێوەبەری ئاساییشی پارێزگای سلێماننی و ساڵی ١٩٩٤ بەڕێوەبەری ئاسایشی سلێمانی و دواتر جێگری بەڕێوەبەری گشتی ئاساییشی هەرێم و قایمقامی مەرکەزی سلێمانی. ساڵی ١٩٩٨ بەکالۆریسی لە یاسادا لە زانکۆی سلیمانی وەرگرتووەو ساڵی ٢٠٠١ ماستەری بەدەستهێناوە. خاوەنی کتێبی (گازبارانی هەڵەبجە و ڕاستی ڕووداوەکە ١٦/٣/ ١٩٨٨) یە. لە دوای ساڵی ٢٠٠٣ نوێنەری سەرۆکی ئەنجومەنی وەزیران بووە لە شارەزور و هەڵەبجەو هەورامان. خێزاندارەو خاوەنی چوار منداڵە. بە پلەی بریکاری وەزیر خانەنشینەو لە سلێمانی نیشتەجێیە.
سەرچاوەکان:
- گفتوگۆی ئامادەکار لە گەڵ ناوبراو. ١٥ی ٣ی ٢٠٢٤ واتساپ.
ئامادەکردنی: هومایون ساحیب کەریم