ملەی گەچێنە
دواین نوێکردنەوە: 2026-04-08
کەوتووەتە سنوری گوندی (چنارەوە). (١٣٦٦م) لەنزیک (چیای باڵامبۆ) هەڵکەوتووە. بەشی کۆتایی چەمی دۆڵی (دڵی)، کە لەچاوگی باوەکۆچەکەوە دەستپێدەکات، پێکدەهێنێت. ڕێگەی گوندەکانی (چنار و مۆردین و گردەناوێ و دەوەرە) لێرەوە جیادەبێتەوە. ناوەکەی بۆ بوونی خاکێک دەگەڕێتەوە، کە وەک (گەچ) وایە. دانیشتوانی ناوچەکە بۆ کاروباری سواغدانی ناوماڵ و سەربان و دروستکردنی خانو و دیوار بەکاریانهێناوە. لە ڕووی ئاوهەواوە، زستانان بەفرێکی زۆری تێدا کۆدەبێتەوە، تا سەرەتای بەهار دەمێنێتەوە. هەندێک جار بەهۆی زۆریی بەفربارینەوە لەم ملەیەدا، ڕێگەی هاتوچۆی گوندەکان ئەستەم دەبێت. بە هاوینیشدا شنەبایەکی فێنکی هەیە. لەسەر ئەم ملەیە، دیمەنێکی جوان لە دۆڵ و شیوی ناوچەکە دەبینرێت. هەروەها زۆر بە ئاسانی گوندەکانی ئەوبەری سیروان لە دیوی خۆرهەڵاتی کوردستان و ڕێگاکـانی هـاتوچۆیـان، بەرچـاوی بینەر دەکەون.
سەرچاوەکان:
- چاوپێکەوتنی ئامادەکار لەگەڵ (سەردەشت میر ئەحمەد محەممەد)ی لەدایکبوو: ١٩٨٤، دانیشتووی هەڵەبجە، بڕوانامە: دبلۆم، پیشه: مامۆستا، لە ٢٠ی ١٢ی ٢٠٢٢.
ئامادەکردنی: کارزان عەدنان حەمەسەعید