خورماڵ
دواین نوێکردنەوە: 2026-04-08
یانەی خواردنەوە کحولییەکان بووە، پێیوتراوە نادییەکەی خورماڵ. لەساڵی ١٩٦٠ بۆ یەکەمجار کراوەتەوە، لە دوو ژوور پێکهاتووە. لە نێوان مزگەوتی گەورەی خورماڵ و ئاشەمەکینەی خورماڵدا بووە. ڕووبەرەکەی ٥٠٠ مەتر دووجا بووە. تاکو ساڵی ١٩٨٠ لەو شوێنەدا ماوەتەوە، دواتر گواستراوەتەوە بۆ تەنیشت سەرچاوەی ئاوی گەنجان. لە سەر ڕووبەری ٤٠٠ مەتر دووجا بووە دانراوەتەوە. تاکو ساڵی ١٩٨٣ کراوە بووە، لە کۆتایی ئەو ساڵەدا داخراوە. نادییەکە بۆ خواردنەوە و فرۆشتنی مەشروب بووە، هەر لەوێش خەڵک ماوەتەوە. خاوەنداریەتی گەڕاوەتەوە بۆ حکومەت و بە ساڵانە دراوە بەکرێ. ماوەی ئەو چەند ساڵە دوو هاوڵاتی بە کرێی ساڵانە وەریانگرتووە، ئەوانیش (عەبدوڵا کەیخەسرەو لەگەڵ فەرەج هاواری) بوون.
سەرچاوەکان:
- چاوپێکەوتنی ئامادەکار لەگەڵ (فایق ڕەشید حەسەن)، لەدایکبوو:١٩٥٣، بڕوانامە: سەرەتایى، پیشە: خانەنشین، لە١ ى٣ى٢٠٢٥، خورماڵ.
- چاوپێکەوتنى ئامادەکار لەگەڵ(عومەر عەبدولقادر سڵێمان)، لەدایکبوو:١٩٥٣، بڕوانامە: ئامادەیى، پیشە:خانەنشین، لە١ ى٣ى٢٠٢٥، خورماڵ.
ئامادەکردنی: سەلام هانەدنی,هومایون ساحیب کەریم