کەرتی خانوبەرە

لە کەرتەکانی ئابوریی پارێزگای هەڵەبجەیە. جگە لەوەی ژمارەیەک هێزی ئیشکەر دەخاتەگەڕ، بازاڕی کەرەستەکانی بیناسازی و ئامڕازەکانی گواستنەوە چالاکدەکات. لە ١٦ی ٣ی ١٩٨٨، بە هۆی کیمیابارانکردنی شارەوە دوای زیانی گیانی، قورسترین زیانی بەرکەوتووە، کە بە سەدان ملیۆن دۆلار مەزەندەدەکرێت. پاش ڕاپەڕینی ١٩٩١ و کەوتنی حکومەتی عێراقی ٢٠٠٣، گەورەترین خەرجی و بارگرانی کەوتوەتە سەرشانی خەڵک بۆ دروستکردنەوەی خانوبەرەکانیان و هەرچەندە حکومەت و ڕێکخراوە ناحکومی و بیانییەکان بەشداری ئاوەدانکردنەوە و دروستکردنەوەیان کردووە، تا ئێستاش کەمترین مۆڵەتی خانوبەرە و دوکان و تەلاری بازرگانی دەدرێت. کەرتەکە لە ئاستێکی لاوازدایە. بازاڕی خواستی لەسەر نییە و چالاکییە ئابورییەکان لە ئاستی پاشەکەوت و کەڵەکەبوونی سەرمایەدا نین. بازرگانی کردنی لاوازە، نرخی خانوبەرە لە دۆخێکی باشدا نییە. دانیشتوان لە دەرەوەی پارێزگاکە موڵک و خانو دەکڕن.