ڕا سوورە
دواین نوێکردنەوە: 2026-04-08
ڕێگای کاروانسەرایە. کەوتووەتە خۆرهەڵاتی گوندی هانەیدن و سەرگەت. لە بەرزیی (١٨٩٤م) لە ئاستی ڕووی دەریاوە، سنوری نێوان زەوی گوندی هانەیدن و کێمنە و بێرواس و هانە گەرمەڵەی دیوی ئێران پێکدەهێنێت. لە باکورەوە کاوەو سەڵمانا و لوتکەی ملەپسک و دۆڵی ملەگاو وەنێ و لە باشورەوە لوتکەی کەڵگا و شرام و لە خۆرهەڵاتەوە چیای تەتە و کێمنە و بێرواس و لە خۆرئاواوە دۆڵی کێڵاو هەسەنا و شەڵواندڕ دەورەیان داوە، لە بەهاردا خەڵکی بۆ هێنانی گژوگیای بەهاری سەردانیدەکەن، ناوەکەشی هەورامییە و بە واتای ڕێگای سوور دێت لەبەرئەوەی وەک ڕێگایەکی ڕاماڵراو لە درەخت دەردەکەوێت و خۆڵە سوورەکەی دەرکەوتووە.
سەرچاوەکان:
- سەردانی مەیدانیی ئامادەکار بۆ شوێنەکە، لە ٢٥ی ٢ی ٢٠٢٣.
- چاوپێکەوتنی ئامادەکار لەگەڵ (ئەمین ئەحمەد حەمەعەزیز)، لەدایکبوو: ١٩٧١، ئاستی خوێندن: ناوەندی، پیشە: مامۆستا، لە ٢٥ی ٢ی ٢٠٢٣.
- بەکارهێنانی بەرنامەی (Google earth pro).
ئامادەکردنی: د. ڕێباز لوقمان مستەفا