مەزارگەکانی گوندی دەگاشێخان
دواین نوێکردنەوە: 2026-04-09
کۆمەڵێک مەزاری پیاوچاکانن، کەوتووەنەتە سنوری گوندی (دەگاشێخان)ی هەورامانەوە. لە لای خەڵکی ناوچەکە پیرۆزن و مێژووی هەندێکیان دەگەڕێتەوە بۆ سەدەی حەوتی کۆچی.
١- ئیمام قاسم: لە یاری شێخ ئەحمەدی جامییە. داربەڕوویەکی گەورەی تەمەن ٦٠٠ ساڵ لەسەر مەزارەکەیەتی و دەوروبەری نزیکەی ١٠ گۆڕی لێیە، کە ڕوو بە قیبلەن. کەوتوەتە سەروی ڕێگەی دێکۆنی داشارەی دەگاشێخان.
٢-دەروێشە پرچنە: کەوتووەتە بەردەم قوتابخانەی دێ کۆنەکەی دەگاشێخان و ڕەزەدێمەکانی ئیبراهیم ڕەشید، دەوربەری مەزارەکەی نزیکەی ٥٠ گۆڕی لێدەرکەوتووە، نوسینی کێلێکیان خوێنراوەتەوە، کە مێژووی ١٦٠٠ زاینی دەکات.
٣- تڵفی ساوا: کەوتووەتە سەر جادەی دەگاشێخان - بەڵخە. مەزاری پیرێکە لەبەر پاکی و بێوەیی بە منداڵی ساوا چوێنراوە. لە فراونکردنی جادەکە و دروستکردنی هۆڵی شەهید بورهان عەبدولڕەحمان لە ساڵی ٢٠١٢دا، پێوە بووە، ڕوفاتەکەی گوازراوەتەوە بۆ ناو گۆڕستانی بەر جادەکە و لە تەڵانێکدا دەوری بە تەلبەند گیراوە، لە باوەڕی خەڵکیدا وا هاتووە: لە ناکۆکی سوڵتانی ساق و شێخ ئەحمەدی جامیدا ڕۆڵی ئاشتی بینیوە و ڕێکیخستووتەتەوە.
سەرچاوەکان:
- سەردانی مەیدانیی ئامادەکاران بۆ شوێنەکە، لە ٢٥ی ٤ی ٢٠٢٤.
- چاوپێکەوتنی ئامادەکاران لەگەڵ (ئەیوب محەممەد نیعمەت عەبدوڵا)، لەدایکبوو: ١٩٦٧، بڕوانامە: ئامادەیی، پیشە: کاسب و ئەنجومەنی (دەگا شێخان)، لە ٤ی ٨ی ٢٠٢٤، لە دەگاشێخان.
- گفتوگۆی ئامادەکاران لەگەڵ مامۆستا (ئەسعەد خواکەرەم ئەحمەد)، لەدایکبوو: ١٩٥٧، بڕوانامە: دبلۆم، پیشە: خانەنشین، لە ٥ی٨ی ٢٠٢٤.
- گفتوگۆی ئامادەکاران لەگەڵ مامۆستا (جەمال بێدار حەبیبوڵڵا)، لەدایکبوو: ١٩٤٧، بڕوانامە: دبلۆم، پیشە: خانەنشین، لە ٦ی ٨ی ٢٠٢٤.
ئامادەکردنی: هاوکار ساحیب کەریم,هومایون ساحیب کەریم