شەخسە بچووک
دواین نوێکردنەوە: 2026-04-15
گۆڕستانێکی دێرینە. کەوتووەتە ناوەندی گوندی (ئاوایی ڕۆستەم بەگ)ی سەر به شارۆچکەی (خورماڵ). ڕووبەرەکەی دۆنمێک دەبێت، مێژووەکەی لەگەڵ مێژووی ئاوەدانکردنەوەی گوندەکەدایە. بە زۆرى منداڵان لەم گۆڕستانەدا بەحاکسپێرراون. هەتا حەفتاکانی سەدەی ڕابردووش مردوو لەم گۆڕستانەدا بەخاکسپێرراوە. وەک خەڵکی گوندەکە دەڵێن لە کۆندا کەسێکى پیاوچاکی باڵاکورت هەبووە، کە کۆچیدواییکردووە، لەو شوێنە بەخاکسپێرراوە و دواتر بووە گۆڕستان، هەر لەبەر ئەوەشە ئەو ناوەی لێنراوە.
سەرچاوەکان:
- چاوپێکەوتى تیمى مەیدانى لەگەڵ (ناجى ئەحمەد محەممەد)ی ئەنجومەنی گوندی (ئاوایی ڕۆستەم بەگ)، لەدایکبوو: ١٩٦٦، پیشە: کاسب، لە ١٠ی ٢ی ٢٠٢٤.
- چاوپێکەوتى تیمى مەیدانى لەگەڵ (سەمیر ئەکرەم محەممەد)، لەدایکبوو: ١٩٧٤، پیشە: کاسب، لە ١٠ی ٢ی ٢٠٢٤.
- چاوپێکەوتى تیمى مەیدانى لەگەڵ(ئیسماعیل ڕەشید سەعید)، لەدایکبوو: ١٩٧٣، ئاستی خوێندن: سەرەتایى، پیشە: فەرمانبەر، لە ١٠ی ٢ی ٢٠٢٤.
ئامادەکردنی: تیمى مەیدانى/ گوندى ئاواییی ڕۆستەم بەگ