ڕاگواستنى گوندەکانى بنارى سورێن
دواین نوێکردنەوە: 2026-04-08
لە پایيزی ساڵی ١٩٧٨ گوندەکانی (بنارى سورێن) لە سنورى (شارۆچکەى خورماڵ) لەلایەن حکومەتەوە و لە چوارچێوەی ڕاگواستنی گوندە سنورییەکانی ناوچەکەدا، کەوتنە بەر هەڵمەتی ڕاگواستن بۆ سیروان و خورماڵ و سیدساق. مزگەوت و بینا و زۆربەی ماڵەکان تەقێنرانەوه و شوێنەکەش کرایە ناوچەی قەدەغەکراو:
١- گوندى بانیشار: ئەو کات ١٢٥ ماڵ بووە، خەڵکەکەیان بەرەو ئۆردوگاى (شانەدەرى) لە نزیک (سەیدسادق) ڕاگواست.
٢- گوندی عامووره: ئەوکات نزیکەی ٦٠ ماڵ بووە، بەرەو هەردوو ئۆردوگای زۆرەملێی (خورماڵ و شانەدەری) ڕاگوێزراون.
٣- گوندی میریسوور: لە ٢٩ی ٩ی ١٩٧٨ بەرەو ئۆردوگای (شانەدەری) ڕاگوێزراوە.
٤- گوندی دەرەگوڵان: ئەوکات ٣٧ ماڵ بووە، بەرەو ئۆردوگای (شانەدەری) ڕاگوێزراوە.
٥- گوندی ڕیشێن: خەڵکەکەی بەرەو ئۆردوگای (شانەدەری) ڕاگوێزراوە.
٦- گوندی گوڵەخانە: ئەو کات ٤٥ ماڵ بووە، بەرەو ئۆردوگای (شانەدەری) و شارۆچکەی (سیروان) ڕاگوێزراوە.
٧- گوندەکانى (عەلیاوا و قوڵخورد)، کە هەریەکەیان ١٢ ماڵ بووە، نەچوونەتە ئۆردوگا و لە شارۆچکەی (سەیدسادق) نیشتەجێبوون.
٨- گوندى بانیبنۆک: ئەو کات ٧٠ ماڵ بووە، بەرە و ئۆردوگای (شانەدەری) ڕاگوێزراوە.
٩- گوندی بەردەبەل: ئەو کات ٣٠ ماڵ بووە، لە ٢٨ی ١٠ی ١٩٧٨ ڕاگوێزراوە.
١٠- گوندی نەوێ: ئەو کات ١٢٠ ماڵ بووە، لە ٢٩ی ١٠ی ١٩٧٨ بەرەو ئۆردوگای (شانەدەری) ڕاگوێزراوە.
١١- گوندی تازەدێى سەروو: ئەوکات ١٦ ماڵ بووه، بەرەو ئۆردوگاى زۆرەملێى (شانەدەرى) ڕاگوێزراوە.
١٢- گوندی کانى ئاسکان: ئەوکات ٣٠ ماڵ بووه، بەرەو ئۆردوگاى زۆرەملێى (شانەدەرى) ڕاگوێزراوە.
١٣- گوندی قەڵبەزە: ئەوکات ١٨ ماڵ بووە، لە ٣ی ١١ی ١٩٧٨ بەرەو ئۆردوگاى زۆرەملێى (شانەدەرى) ڕاگوێزراوە.
سەرچاوەکان:
- هەوارگەی شارەزوور، تالیب دەرباز، بەرگی دووەم، چاپخانەی پیرەمێرد، هەڵەبجه، ٢٠٠٩، ل٣٩٣ و ٤٠١ و ٤٠٥.
- چاوپێکەوتنى تیمى مەیدانى لەگەڵ (عوسمان فەرەج عەزیز)ی ئەنجومەنى گوندى (تازەدێى سەروو)، لەدایکبوو: ١٩٧٧، ئاستی خوێندن: سەرەتایی، پیشە: کاسب، لە ٣ی ٥ی ٢٠٢٤.
- چاوپێکەوتنى تیمى مەیدانى لەگەڵ (سەرهەنگ عومەر فەتاح)، لەدایکبوو: ١٩٧٧، ئاستی خوێندن: سەرەتایى، پیشە: فەرمانبەر، لە ٥ی ٣ی ٢٠٢٤، لە عەلیاوا.
- چاوپێکەوتنى تیمى مەیدانى لەگەڵ (عەلى مەحموود محەممەد سان)ی ئەنجومەنى گوندی (گوڵەخانە)، لەدایکبوو: ١٩٥٤، ئاستی خوێندن: سەرەتایى، پیشە: خانەنشین، لە ٨ی ٣ی ٢٠٢٤.
ئامادەکردنی: تیمى مەیدانى/ شارۆچکەی خورماڵ