پەچەو سێ قادری
دواین نوێکردنەوە: 2026-04-08
کەوتووەتە سنوری گوندی (دەرەیمەڕ)ی سەر بە ناحیەی (بیارە). لە باکوری خۆرهەڵاتەوە بەرەو باشوری خۆرئاوا درێژ بووەتەوە و ئاوی چەمەکانی (گڵوەو هەرەسی و تاقودڕەیەکا و چاڵاوا و گڵوەو مەڕێ و گڵوەو خەڕەنگەزی و شەوگەو دۆڵاوێ و گیواوبڕ و پەچەوتاشی و بنەوگڵوەی و گڵوەو وەزەرەی و وەنەناو و گڵوەو ملەوکەوچێ و بەرزانە دۆڵە) لە بەشی باکوری خۆرهەڵاتیدا کۆدەبنەوە و یەکدەگرن و دروستیدەکەن. کەوتووەتە نێوان (گڵوەو مەڕێ و جۆگەی خەڕەنگەزێ لە باکور و دۆڵی چاڵاوا و مرۆ دۆڵە لە خۆرهەڵات و سەر سیپە و ئەشکەوتەکانی دۆڵی دەرەیمەڕ لە باشور و ئەشکەوتی گەردەنا لە خۆرئاواوە). ئەو بەفر و بارانە زۆرەی لە چیاکانی دەوروبەری دەبارێت دروستیدەکەن، دواتر بە ئاڕاستەی باشوری خۆرئاوا دەڕوات و دەڕژێتە ناو چەمی دەرەیمەڕ و سەرگەت و دار چەقالە، لە بەرزیی (١٥٣٧م) لە ئاستی ڕووی دەریاوە دەستپێدەکات بۆ بەرزیی (١٢٢٢م) لە ئاوڕێژگەکەی، درێژییەکەی نیکەی دوو کیلۆمەتر دەبێت.
سەرچاوەکان:
- سەردانی مەیدانیی ئامادەکار بۆ شوێنەکە، لە ١ی ٣ی ٢٠٢٣.
- چاوپێکەوتنی ئامادەکار لەگەڵ (سەید عەفان دەرەمەڕی)، لەدایکبوو: ١٩٦٨، ئاستی خوێندن: ناوەندی، پیشە: کاسب، لە ١ی ٣ی ٢٠٢٣.
- بەکارهێنانی بەرنامەی (Google earth pro).
ئامادەکردنی: د. ڕێباز لوقمان مستەفا