بیسان
دواین نوێکردنەوە: 2026-04-07
کەوتووەتە گوندی عەنەب لە باکوری هەڵەبجە. لە پشت مزگەوتی گوندی عەنەبەوە دەستپێدەکات و بەرەو خۆرهەڵاتی گوندەکە بە درێژایی سێ کیلۆمەتر درێژدەبێتەوە تاکو دەگاتە نزیک گوندی (سەرکەن). بەپێی پاشماوەکانی، کە تێیدایە، پێدەچێت پیشتر ئاوەدانی یان گوند بووبێت. لە قەدپاڵەکانیدا، چەندین تەختایی هەن و کراونەتە یاریگای (فوتساڵ) و مۆنۆمێنتی (شەهیدانی گوندی عەنەب). لە نێو چەمیش چەندین باخ و زەویی کشتوکاڵی بەپیتی تێدایە. شاخی شنروێ دەڕوانێت بەسەریدا و ساڵانە بەفرێکی زۆری لێدەبارێت و سەرچاوەی ئاوی ژێرزەویی دەوڵەمەندی هەیە. (کەلی بیسان)، کە ڕێگای گوندی (هاوار)ی پێدا تێپەڕدەبێت، یەکێکە لە بەرزاییە دیارەکان، کە دەڕوانێت بەسەر چەم و دۆڵەکانی گوندی (دەرەشیش) لە بەشی خۆرهەڵاتیەوە.
سەرچاوەکان:
- ئەیوب حەمە حەمەڕەشید (١٩٧٢) بەکالۆریۆس و دانیشتووی گوندی عەنەب، مامۆستا، چاوپێکەوتن لە ١١ی ٢ی ٢٠٢٣.
- شێرکۆ علی باسام، (١٩٧٩) بەکالۆریۆس و شارەزای ناوچەکە. مامۆستا، چاوپێکەوتن لە ١٤ی ٢ی ٢٠٢٣.
ئامادەکردنی: کارزان عەدنان حەمەسەعید