ئاوبڵاو
دواین نوێکردنەوە: 2026-04-08
کەوتووەتە سنوری گوندی (گورگەچیا). درێژییەکەی نزیکەی دە کیلۆمەترە. درێژکراوەی چەمی پریسە و ئاوی تریفە و چاوگی دێتەوە سەر و لە سنوری گوندی پریس بە کەنەقوڵەش ناودەبرێت. هۆکاری ناونانی بە ئاوبڵاو بۆ ئەوە دەگەڕێتەوە، کاتێک ئاوەکە دێتە سنوری دەشتی شارەزوور بەهۆی تۆبۆگرافیای تەختی ناوچەکە هەرجارە و بە شوێنێکدا بڵاودەبێتەوە. ساڵی ١٩٧٦ ئاوی دەلێنی خراوەتە سەر و ئاوی باوەکۆچەکیش بۆ ئەوەی بڵاونەبێتەوە بە زەوییەکانی گوندی بەکراوە بە شۆفڵ کراوەتەسەر. تا ئێستەش ئاوەکەی دێتەوە سەر. لە دامێنی گردی قۆرتاسدا دەچێتەوە سەر دەریاچەی دەربەندیخان. بەهۆی زۆریی ئاوەکەیەوە لە کۆندا چەندین ئاشی لەسەر دروستکراوە، کە یەکیان لەتەنیشت گوندی گورگەچیایە. هەر لە تەنیشت گردی گورگەچیادا ئاشێکی دیکەشی تێدا دۆزراوەتەوە، کە مێژووەکەی زۆر کۆنە.
سەرچاوەکان:
- چاوپێکەوتنی ئامادەکار لەگەڵ (ئەرکان عەبدولڕەحمان عەبدوڵا)، لەدایکبوو: ١٩٧١، بڕوانامە: بەکالۆریۆس، پیشە: مامۆستا، لە ٢٣ی ١٠ی ٢٠٢٣، لە هەڵەبجە.
- چاوپێکەوتنی ئامادەکار لەگەڵ (عەبدولڕەحیم عەبدولڕەحمان)، لەدایکبوو: ١٩٦٩، ئاستی خوێندن: ناوەندی، پیشە: جوتیار، لە ٨ی ١١ی ٢٠٢٣.
ئامادەکردنی: کارزان عەدنان حەمەسەعید