کەڤیکەڤاتە: کەڤات
دواین نوێکردنەوە: 2026-04-11
کۆمەڵێ ناوچەی جوگرافین لە هەوراماندا، مێژوویان بۆ سەردەمی کەیانیان و چەندین ساڵ پێش سەرهەڵدانی زەردەشت دەگەڕێتەوە. نازانرێت بۆچی لە ئاڤێستا و پەرتووکە دینییەکاندا تۆمارنەکراون. لەگەڵ تیپەڕبوونی سێ هەزارساڵدا هێشتا بە هەمان ناوەوە ناودەبرێن. لە کتێبی دینکەردا کەڤیکەڤاتە یەکێکە لە نەوەکانی مەنوچەر و دامەزرێنەری بنەچەی کەیانیانە و وەک شای ئێران چەسپێنراوە. مەردۆخ و مێژوونوسانی عەرەبی وەک(ئەبوڕیحان و بەلعەمی و حەمزە) باسیانکردووە. کەوتوونەتە دەستە ڕاستی ڕێگای ئۆتۆمبێلی بیارە - تەوێڵە - نەوسوود – پاوە - جوانڕۆ - کرماشان). کاواتان لە پردی بیارەوە بۆ دەگاشێخان بەم نێوانە درێژبوونەتەوە: کاوات و تەختە قەرەجی، کاوت و ئەحلە، کاوات تەپو نیعمەتی، کاوات و ئۆردوگا)، کاواتەکانی سۆسەکان و لای شۆشمی، کاواتەکانی لای جوانڕۆ کەوتوونەتە ناوچەی شونکارەوە و خەڵکەکەیان خۆیان بە کەیانی دەزانن و نازناوی کەیانی بە زۆربەی ناوەکانیانەوە هەیە.
سەرچاوەکان:
- وڵاتی کەیانیان و زەردەشت و هەورامان لەئاڤێستادا، پشکنین و تێژینەوەی: د. محەممەد ئەمین هەورامانی، لە بڵاوکراوەکانی وەزارەتی ڕۆشنبیری و لاوان،چاپی یەکەم، چاپخانەی ڕۆشنبیری، هەولێر، ٢٠١١، ل٣٠١-٣١١.
- مێژووی هەورامان، د. هەورامانی، بەرگی دووەم، چاپی یەکەم، چاپخانەی چـوارچـرا، سلێمانی، ٢٠١١، ل٧٥٠-٧٦٢.
ئامادەکردنی: همایون ساحیب کەریم